Búgin, 24 naýryz Almatyda qazaq baqsylarynyń tuńǵysh quryltaıy ótti, dep habarlaıdy “Adyrna” ulttyq portaly Arasha.kz saıtyna siltep.
Aqparatqa sáıkes, quryltaı dástúr boıynsha adam janyn tazalaýdan bastaldy. Ol úshin qobyzdan kúı shertilgen.
Quryltaıdy tarıhshy, jazýshy, aqyn, kompozıtor, senarıst, rejısser, telejúrgizýshi, kóripkel Arman Nurmuhanbetov júrgizdi.
Onyń aıtýynsha, Quryltaıdy ótkizýge daıyndalyp jatqanda túrli kedergiler bolǵan.
«Quryltaıdy eki ádemi qyz júrgizedi dep josparlaǵanbyz. Biraq bireýiniń anasy aýyryp qaldy, ekinshisi qorqyp shyqpady. Sondyqtan búgin Quryltaıdy ózim júrgizemin dedi», – ol.
Arman Nurmuhanbetov búgingi Quryltaıdyń maqsatyna toqtalyp ótti.
«Birinshiden, qasıet degen qubylysty tipten qasıeti bar adamdar da túsinbeıdi. Qasıet arqyly aldymen em salamyz, jol ashamyz. Qasıet degen tereńirek qubylys. Máselen, qasıet jyraýlarda bolǵan. Olar handarǵa túıini joq suraqtar boıynsha keńes bergen. Qasıet degen Táńirshildiktiń negizi. Sheberler, aqyndar, jyraýlardyń bárinde qasıet bolǵan, solar arqyly bizdiń mádenıetimiz qalyptasty, solar arqyly Uly dalanyń órkenıeti qalyptasty», – deıdi Arman Nurmuhanbetov.
Aıta keteıik, baqsylyq – shamanızmniń osy kúnge deıin jetken sarqyny. Baqsy dep ózge tylsym álemmen baılanys ornatyp, ondaǵy túrli rýhtarmen baılanys jasaı alatyn adamdy aıtqan. Baqsylar «áýlıelerdi» «arýaqtardy», «perishtelerdi» shaqyryp, olarmen tildese alady, adamnyń jaýlary – dáý,peri,shaıtan, albasty, jyn, martý, taǵy basqa men kúresedi degen senimde bolǵan. Baqsylarǵa tán erekshe qasıetterdiń biri – emshilik (táýipshilik). Baqsylardyń bári qobyz tartyp, zikir salyp, túrli emder jasaıdy. Onyń qamshysy tıgen adamnyń denesine kirgen shaıtandar qashyp, barlyq syrqatynan qulan-taza jazylyp ketedi dep sengen.
