Almaty Kıtaphanalarynyŋ 97% tolyq jaŋǧyrtylǧan. 2025 jyldyŋ jalpy kıtap qory 1 372 423 dana, onyŋ 432 257-ı qazaq tılınde, 911 125-ı orys tılınde jäne 27 656-y şet tılınde.
Kıtaphanalardyŋ qoǧamdyq maŋyzy künnen-künge artyp keledı: 2025 jyly 11 aidaǧy derekke säikes, 2,8 millionnan astam tūrǧyn kıtaphanalarǧa oqu, bılım alu jäne qarym-qatynas alaŋy retınde barady.
Bügıngı taŋda Almaty qalasynda 37 kıtaphana jūmys ısteidı, olardyŋ 28-ı – Almaty Kıtaphanalarynyŋ bölımşelerı, al 9-y – respublikalyq kıtaphana. Sonymen qatar ärbır joǧary oqu ornynda kıtaphana bar.
Qala boiynşa üş kıtaphana täulık boiy (24/7 rejimınde) jūmys ısteidı: Alatau Creative Hub ortalyǧy, Mūhtar Äuezov atyndaǧy kıtaphana jäne Jambyl atyndaǧy qalalyq jasöspırımder kıtaphanasy.
«Qadamdyq qoljetımdı kıtaphana» qaǧidaty aiasynda 26 avtonomdy özıne-özı qyzmet körsetu stansiiasy ornatylǧan. Olar sauda ortalyǧy, kovorking ortalyǧy men metro beketı syndy halyq köp jüretın jerlerde ornalasqan. Ai saiyn būl stansiialar şamamen 300 jaŋa oqyrmandy tırkeidı jäne 420-ǧa deiın kıtap beredı. Biyl jyl soŋyna deiın qosymşa 6 stansiia ornatu josparlanǧan.
Kıtaphana resursyn barlyq tūrǧynǧa qoljetımdı jasau üşın almatylyq mümkındıgı şekteulı jandarǧa arnalǧan tegın üige kıtap jetkızu qyzmetı jūmys ısteidı. Būl Almaty qalasy äkımdıgımen jäne Yandex Qazaqstan kompaniiasymen bırlesıp qolǧa alynǧan.
Sondai-aq, A. P. Chehov atyndaǧy ortalyq qalalyq kıtaphana, Jambyl atyndaǧy qalalyq jasöspırımder kıtaphanasy, Qazaqstandyq Jazuşylar kıtaphanasy, Alatau Creative Hub ortalyǧy, Mūhtar Äuezov atyndaǧy kıtaphana syndy jetı kıtaphana bölımşesınde, sondai-aq №14 jäne №45 kıtaphana bölımşesınde közı naşar köretın jäne zaǧip oqyrmandarǧa arnalǧan arnaiy Brail baǧdarlamalarymen jäne dybystyq interfeistermen jabdyqtalǧan arnaiy bölımder bar.
Sifrlandyru salasynda auyz toltyryp aitar jetıstık bar. www.almatylibrary.kz resmi saity ıske qosylǧan. Paidalanuşylarǧa elektrondy oqu zalyna, kıtaphanalardyŋ virtualdy 3D-turyna, onlain oqyrman biletın räsımdeuge jäne kıtap jetkızu qyzmetıne qol jetkızu mümkındıgı ūsynylǧan. Qazırgı uaqytta portalǧa 30 451 basylym engızılgen, onyŋ 13 127-ı osy jyly qosyldy, būl jalpy qordyŋ 61%-y (49 492 atau). Qordy tolyq elektrondy formatqa köşıru jūmystary jalǧasyp jatyr.
Sonymen qatar №6 kıtaphana-bölımşesınıŋ bazasynda sirek jäne qūndy basylymdardy qalpyna keltıru jäne saqtau jūmystaryn jürgızetın restavrasiia zerthanasy bar. Qazırgı taŋda 300-den astam kıtap qalpyna keltırıldı, onyŋ 32-sı sirek kezdesetın basylymdar sanatyna jatady.
Bügınde Almaty Kıtaphanalary zamanaui infraqūrylymymen, inkliuzivtı jäne sifrlyq şeşımderımen qala tūrǧyndarynyŋ mädeni jäne bılım beru ömırınıŋ ajyramas bölıgıne ainaldy. Jaŋǧyrtylǧan keŋıstık, qoljetımdı qyzmet men innovasiialyq format arqyly kıtaphanalar tek kıtap oqu orny ǧana emes, şyǧarmaşylyq pen özara bailanys ortalyǧyna ainalyp otyr.
