Máskeýdegi teraktide qaza tapqandar men zardap shekken qazaqstandyqtar týraly aqparat túsken joq, dep habarlaıdy “Adyrna” ulttyq portaly QR Syrtqy ister mınıstrliginiń baspasóz qyzmetine siltep.
«Qazir biz jaǵdaıdyń egjeı-tegjeıin anyqtap jatyrmyz. Máskeýdegi Elshilik jergilikti bılik organdarymen jáne tıisti qyzmettermen baılanysta. Qaza tapqandar men zardap shekkender arasynda Qazaqstan azamattarynyń bar-joǵy týraly aqparat joq. Qosymsha aqparat qoljetimdi bolǵan kezde beremiz. Qazir elshilik 8 (925) 897-71-14 senim telefonyn ashty», - dedi senbige qaraǵan túni QR Syrtqy ister mınıstrliginiń resmı ókili Aıbek Smadııarov.
Esterińizge sala keteıik, 22 naýryz kúni keshke Reseıdiń Krokýs Sıtı Hollynda belgisiz bireýler iri terakt jasaǵan bolatyn. Aldyn ala málimet boıynsha, ondaǵan adam qaza taýyp, 100-den astamy jaralanǵan. Krokýs Sıtı Holldaǵy teraktige baılanysty Qazaqstan azamattary úshin senim telefony ashyldy. Prezıdent Qasym-Jomart Toqaev Qazaqstan atynan Máskeýdegi Krokýs Sıtı Holldaǵy lańkestik áreketti qatań aıyptady. Aıta keteıik, Ýkraına lańkestik áreketke qatysy joqtyǵyn birden málim etti.
