3 jyl boiy halyq sany 10 myŋnan asatyn auyldardy qalaǧa ainaldyruǧa bolady. Būl turaly 19 nauryz Ükımet otyrysynda Premer-Ministrdıŋ orynbasary – Ūlttyq ekonomika ministrı Nūrlan Baibazarov aitty, dep habarlaidy “Adyrna” ūlttyq portaly QazAqparatqa sıltep.
Otyrys barysynda Premer-Ministr Oljas Bektenov ministrden: «Soŋǧy jyldary tūrǧyn sany 50 adamǧa jetpeitın auyldar taratyldy. Adamdar endı ırı eldı mekenderge köşıp jatyr. Iаǧni, būl rette halyq tyǧyz ornalasqan auyldardyŋ märtebesın qaita qarau qajet bolady. Osyndai auyldardyŋ sany qanşa jäne būl baǧytta qandai jūmys atqarylyp jatyr?», - dep sūraǧan edı.
Nūrlan Baibazarovtyŋ aituynşa, qazır elımızde 10 myŋnan astam tūrǧyny bar 112 auyl bar.
«Onyŋ ışınde 18 eldı mekende 30 myŋnan asa adam tūrady. Olardyŋ märtebesın özgertu üşın zaŋnamada tetıkter bar. Mysaly, 3 jyl boiy halyq sany 10 myŋnan asyp otyrsa, onda oblys mäslihatynyŋ deŋgeiınde atalǧan auyldardyŋ märtebesın özgertu, iaǧni qalaǧa ainaldyru qūqyǧy bar. Būl zaŋ 2021 jyldan bastap qoldanysqa engen bolatyn. Qazırgı taŋda oblys äkımdıkterı mäslihattardyŋ ötınımınderın qarastyryp jatyr. Bıraq älı naqty şeşım qabyldanbaǧan, jūmys jürgızılude», - dedı ol.
Osy oraida Ükımet basşysy būl mındet emes, tūrǧyndardyŋ qūqyǧy ekendıgın naqtylap sūrady.
«İä, 3 jyl boiy halyqtyŋ sany 10 myŋǧa köbeise, onda qalaǧa ainaldyru mümkındıgı bar. Tiıstı oblys äkımdıkterı şeşım qabyldaidy», - dep atap öttı Nūrlan Baibazarov.
Ūqsas jaŋalyqtar
