Qazaqstandaǧy auyldar sany azaiuda. Soŋǧy 10 jylda olardyŋ sany 582-ge kemıgen, dep habarlaidy "Adyrna" ūlttyq portaly. Būl turaly ükımetke Ūlttyq ekonomika ministrı Nūrlan Baibazarov baiandady.
«Soŋǧy 10 jylda auyldyq eldı mekenderdıŋ sany 6838-den 6256-ǧa nemese bylaişa aitqanda 582 bırlıkke qysqardy. Negızınen halqy 50-den aspaityn auyldarda qysqartu baiqaldy, halqy jaqyn maŋdaǧy eldı mekenderge bırıktırıldı», - dedı ministr.
Qazaqstanda 6256 auyldyq eldı meken bar, olarda 7,6 million adam tūrady, būl el halqynyŋ 38,4 paiyzyn qūraidy. Būl rette tabysy eŋ tömengı künkörıs deŋgeiınen tömen auyl halqynyŋ ülesı 7,2%, jūmyssyzdyq deŋgeiı 4,7% qūraidy. Özın-özı jūmyspen qamtyǧandardyŋ ülesı 33% nemese 1,2 mln adamdy qūraidy.
2023 jyly auyldardy negızgı qyzmettermen qamtamasyz etu deŋgeiı 64,3% qūrady, būl 2022 jylmen salystyrǧanda 2,1 paiyzǧa artyq. Būl tūsta nysandar men qyzmetterdıŋ eŋ joǧary ūsynyluy Maŋǧystau oblysynda – 72,4%, Atyrau oblysynda – 70% jäne Aqtöbe oblysynda – 69,6% baiqalady.
Qauıpsızdık deŋgeiınıŋ tömendıgı boiynşa: Şyǧys Qazaqstan oblysynda – 58%, Ūlytauda – 57% jäne Abaida – 55,4%.
«Sonymen, qauıpsızdık deŋgeiı joǧary auyldardyŋ sany 1296 bırlıktı qūraidy, būl 2022 jylmen salystyrǧanda 169 bırlıkke artyq. Būl rette tabys deŋgeiı tömen auyldardyŋ ülesı 1676 auyldan 1399 auylǧa deiın azaidy. Jalpy, auyl tūrǧyndarynyŋ ömır süru sapasyn jaqsartu jäne öŋırlık standarttarmen qamtamasyz etu deŋgeiın arttyru maqsatynda ministrlık müddelı memlekettık organdarmen jäne äkımdıktermen bırlese otyryp, bırqatar jüielı şaralardy jüzege asyruda», - dep qosty Baibazarov.
Şeneunıkter auyldyq aumaqtardyŋ äleumettık-ekonomikalyq äleuetın aşuǧa arnalǧan Qazaqstan Respublikasynyŋ 2023-2027 jyldarǧa arnalǧan auyldyq aumaqtardy damytu tūjyrymdamasyn jüzege asyruda.
Ūqsas jaŋalyqtar
