Memleket basşysy Qasym-Jomart Toqaev Ūlttyq qauıpsızdık komitetı qyzmetıne qatysty bırqatar Jarlyqqa özgertuler engızıp, eks-prezident Nūrsūltan Nazarbaevty qorǧauǧa qatysty mındetterdı alyp tastady, dep habarlaidy "Adyrna" ūlttyq portaly.
«Qosymşa Qazaqstan Respublikasy Prezidentınıŋ keibır jarlyqtaryna engızıletın özgerıster men tolyqtyrular bekıtılsın», - delıngen Toqaevtyŋ jarlyǧynda.
Jarlyqqa säikes, Ūlttyq qauıpsızdık komitetı turaly erejege bırqatar özgertu men tolyqtyru engızılıp otyr.
Ūlttyq qauıpsızdık komitetıne mynadai ökılettıkter berıldı:
- aqparattyq jüielerdı jäne elektrondyq aqparattyq resurstardy, arnaiy tehnikalyq qūraldardy, bailanys jüielerın, arnaiy maqsattaǧy telekommunikasiialar jelılerın, derekterdı beru jüielerın, aqparattyŋ tehnikalyq arnalar arqyly taralyp ketuınen qorǧau qūraldaryn, olardy baǧdarlamalyq qamtylymyn, qaru-jaraq pen jaraqtardy äzırleu, satyp alu, qūru (kriptografiialyq qorǧau qūraldaryn qospaǧanda), ıske qosu jäne paidalanu, şifrlau jäne şifrdy aşu jūmystaryn ūiymdastyru. Osy maqsattarda Qazaqstan Respublikasynyŋ memlekettık organdarymen jäne menşık nysanyna qaramastan ūiymdarymen, şet memleketterdıŋ arnauly qyzmetterımen jäne ūiymdarymen şarttar, kelısımşarttar jasau;
- memlekettık qūpiialardy qūraityn mälımetterdı qamtityn elektrondyq aqparattyq resurstardy qūru, alu, jinaqtau, qalyptastyru, tırkeu, saqtau, öŋdeu, joiu, paidalanu, beru, qorǧau;
- memlekettık qūpiialarǧa jatqyzylǧan, qorǧalyp oryndalǧan aqparattyq jüielerdı qūru, paidalanu, damytudy, qoldap otyrudy, integrasiialaudy, paidalanudy toqtatudy, qorǧaudy jürgızu;
- memlekettık qūpiialardy qūraityn mälımetterdı qamtityn elektrondyq qūjattardy jäne özge de derekterdı memlekettık qūpiialarǧa jatqyzylǧan, qorǧalyp oryndalǧan aqparattyq jüielerdı paidalana otyryp jinaudy, öŋdeudı, saqtaudy, berudı, ızdeudı, taratudy, paidalanudy, qorǧaudy, tırkeudı, rastaudy jäne joiudy jüzege asyru;
- ūlttyq qauıpsızdık organdary qyzmetkerlerıne arnauly tekseru jürgızu. Sonymen qatar vedomstvoǧa jaŋa mındetter jükteldı:
- memlekettik qyzmetke alǧaş ret nemese memlekettık qyzmettı toqtatqannan keiin oǧan qaita kıretın, sondai-aq sudia, Qazaqstan Respublikasy Ūlttyq Bankınıŋ jäne onyŋ vedomstvolarynyŋ qyzmetşısı, qarjy naryǧy men qarjy ūiymdaryn retteu, baqylau jäne qadaǧalau jönındegı uäkılettı organnyŋ qyzmetşısı, azamattyq aviasiia salasyndaǧy uäkılettı ūiymnyŋ aviasiialyq qauıpsızdık salasynda baqylau men qadaǧalau funksiialaryn jüzege asyratyn aviasiia inspektory lauazymyna ornalasuǧa ümıtker Qazaqstan Respublikasynyŋ azamattaryna arnaiy tekseru jürgızuge jönındegı nūsqaulyqty äzırleu;
- memlekettık qūpiialardy jäne olardyŋ közderın şet memleketterge jäne (nemese) halyqaralyq ūiymdarǧa beru qaǧidalaryn äzırleu; - memlekettık qūpiialardy qorǧau salasyndaǧy normativtık qūqyqtyq aktılerdı memlekettık qūpiialardy qorǧaudyŋ maqsaty men mındetterıne säikes äzırleu jäne bekıtu;
- äskeri, arnauly oqu oryndarynan nemese şet memleketterdıŋ bılım beru ūiymdarynan ūlttyq qauıpsızdık organdarynyŋ qyzmetkerlerı men äskeri qyzmetşılerın şyǧaryp jıberu qaǧidalaryn äzırleu jäne bekıtu
- ūlttyq qauıpsızdık organdarynda kadrlyq qūramdy patriottyq, adamgerşılık jäne ruhani tärbieleuge jäne qūqyq būzuşylyqtardyŋ aldyn aluǧa baǧyttalǧan jūmysty jüzege asyru qaǧidalaryn äzırleu jäne bekıtu;
- Qazaqstan Respublikasynyŋ aumaǧynda syrtqy barlau salasyndaǧy zaŋdylyqtyŋ saqtaluyna joǧary qadaǧalaudy jüzege asyratyn uäkılettı prokurorlardyŋ tızbesın kelısu;
- Qazaqstan Respublikasy Prezidentınıŋ qauıpsızdıgın qamtamasyz etuge qatysu («Qazaqstan Respublikasynyŋ Tūŋǧyş Prezidentı - Elbasy turaly» Konstitusiialyq zaŋynyŋ küşı joiuyna bailanysty).
Eske sala keteiık, ötken jyly "Qazaqstan Respublikasynyŋ Tūŋǧyş Prezidentı – Elbasy turaly "Qazaqstan Respublikasynyŋ Konstitusiialyq zaŋynyŋ küşı joiyldy dep tanu turaly" 2023 jylǧy 13 aqpandaǧy QR Konstitusiialyq Zaŋy "QR Tūŋǧyş Prezidentı – Elbasy turaly" 2000 jylǧy 28 şıldedegı QR Konstitusiialyq zaŋy küşın joiǧan bolatyn. Sondai-aq, Nazarbaevtyŋ Aqordadan ketkenıne däl bügın bes jyl toldy.
Ūqsas jaŋalyqtar
