Ýkraına qarýly kúshteri Reseıdiń atynan soǵysqan qazaq jigitin tutqynǵa aldy. Bul týraly Konstantınka Telegram-arnasy vıdeo jarııalady, dep habarlaıdy “Adyrna” ulttyq portaly.
Ýkraına áskerıleri bir top reseılik sarbazdy tutqynǵa aldy. Vıdeoda tutqyndardyń biri Qazaqstannyń qazaǵy ekenin aıtady.
“Munda qalaı keldiń?” degen suraqqa ol “jumysqa aldy”, dep jaýap beredi.
Aqparat boıynsha, búkil TMD elderinde reseılik kompanııalar Marıýpoldegi qurylys alańyna jumysshylar jınap jatyr eken. Biraq olardy aldap maıdanǵa alyp baratyn kórinedi.
“Tutqynnyń aman qalǵany nemese qamaýda ekeni belgisiz. Óıtkeni, ýkraındyqtar óz jerine qarýmen kelgenderdiń barlyǵyn joıýǵa quqyly”, delingen habarlamada.
Aıta keteıik, Qazaqstan azamattarynyń basqa elderdegi áskerı qaqtyǵystarǵa qatysýy jaldamalylyq retinde qylmystyq bappen jazalanatyndyqtan, Qazaqstannyń Syrtqy ister mınıstrligi muny shuǵyl túrde baqylaýǵa alýy kerek.
