Soltústik Qazaqstanda mal qyrylyp jatyr. Mortyq aýylynda keıingi aıda birden 16 buzaý ólgen. Janýarlar óliminiń sebebin anyqtaý múmkin bolmaı otyr, óleksesi dereý órtelgen, dep habarlaıdy «Adyrna» ulttyq portaly Eýrazııa birinshi arnasyna silteme jasap.
Telearna málimetinshe, mal dárigerleri taldaýǵa qan synamasyn alyp úlgermegen, biraq maldyń qyrylý sebebi emfızematoz karbýnkýly degen boljam jasap otyr. Óńirde bul aýrý kópten beri baıqalmaǵan. Infekııa birinshi kezekte aǵzasy jetilmegen janýarlarǵa qaýipti, al jas bolǵandyqtan ekpe salýǵa bolmaıdy eken. Jazdyń aptaby da teris yqpalyn tıgizgen bolýy múmkin.
Mal Aqmola oblysynda da qyrylǵan. Azat jáne Qarabulaq aýyldarynda 500-den asa bas iri qara aýyryp, onǵa jýyq mal ólgen. Telearna jýrnalısteriniń aıtýynsha, mal dárigerleri buǵan taǵy da aptapty kinálap otyr. Olardyń pikirinshe, qurǵaq shóp sıyrlardyń aýyz qýysyn jaraqattap, sosyn ol stomatıtke ulasady. Bul malǵa aýyr tıetin, ólimge ákep soǵatyn aýrý ekeni aıtylady.
"Adyrna" ulttyq portaly
