Qazaqstannyń eńbek sińirgen qaıratkeri 196 mıllıon teńgeden astam qarajatty zańsyz ıemdendi degen kúdikke ilindi, dep habarlaıdy "Adyrna" tilshisi.
Ishki ister mınıstrligi Interpol ulttyq bıýrosynyń suraýy boıynsha izdeýde bolǵan Andreı Hazbýlatov Argentınada ustaldy.
Oǵan ótken jyldyń jazynda qylmystyq kodekstiń 189-babynyń 4-bóligi “Bótenniń múlkin ıemdený nemese jymqyrý” boıynsha halyqaralyq izdeý jarııalandy. Astana qalasynyń sybaılas jemqorlyqqa qarsy qyzmeti Hazbýlatovqa izdeý saldy.
Aıta keteıik, Andreı Hazbýlatov – fılosofııa ǵylymdarynyń doktory, Qazaqstannyń eńbek sińirgen qaıratkeri.
Ol Qazaqstannyń 2050 jylǵa deıingi mádenı saıasatynyń tujyrymdamasy men "Kınematografııa týraly" zańnyń avtorlary men ázirleýshileriniń biri. Túrkistan qalasyn damytýǵa ruqsat berý qujattamasyn daıyndaý boıynsha IýNESKO-nyń halyqaralyq saraptaý tobynyń múshesi bolǵan.
