«Best Road Investment» qarjy pıramıdasynyń basshylary men menedjeri sottaldy. Bul týraly Astana qalasynyń prokýratýrasy aıtty, dep habarlaıdy «Adyrna» tilshisi.
Sotta memlekettik aıyptaýshy qarjy pıramıdasynyń eki uıymdastyrýshysy men menedjeriniń kinásin dáleldedi.
«Qarjy pıramıdanyń shartyna sáıkes, «Shanyrak Plus» baǵdarlamasy boıynsha turǵyn úı alý úshin 103 AQSh dollaryn salý kerek. Odan keıin artynan eki salymshyny tartyp, árqaısysy ósý tártibimen taǵy eki salymshy shaqyrýy tıis bolǵan. kompanııa 2020 jyldyń qazanynan bastap 2021 jyldyń 31 jeltoqsanyna deıin «Shanyrak Plus» baǵdarlamasy boıynsha 45 salymshynyń eshqaısysy qajetti tabysyn, sondaı-aq turǵyn úı almaǵan», - delingen habarlamada.
Prokýratýranyń málimdeýinshe, jalpy zalal somasy 107 mln teńgeden astam somany quraıdy.
Sot úkimimen 7 jylǵa deıin kommerııalyq jáne kommerııalyq emes uıymdarda basshylyq qyzmetterdi atqarý quqyǵynan aıyra otyryp, uıymdastyrýshylardyń árqaısysy 6 jylǵa, sybaılasy 5 jyl 6 aıǵa bas bostandyǵynan aıyrý jazasyna sottaldy. Keltirilgen shyǵyn sottalǵandardan óndirildi.
