Kentaýdyń eks-ákimi Rashıd Aıýpov 10 jylǵa sottaldy. Úkimdi Astananyń qylmystyq ister jónindegi mamandandyrylǵan aýdanaralyq soty shyǵardy, dep habarlaıdy «Adyrna» tilshisi.
Ol Qylmystyq kodekstiń 28-baby jáne 312-baby boıynsha (1997 jylǵy redakııasy) jazasyn ortasha qaýipsizdik mekemesinde óteıtin bolady.
Aıýpovqa memlekettik qyzmette jumys isteýge tyıym salyndy. Budan bólek ol Qylmystyq kodekstiń 177-baby boıynsha qylmystyq jaýapkershilikten bosatyldy. Sot bul bap boıynsha qylmystyq jaýapqa tartý ýaqyty ótip ketkenin aıtty.
Buǵan deıin eks-sheneýnikke iri jekemenshik kompanııasynyń menshik ıesin jaýapty laýazymdy tulǵalarǵa asa iri somada para berýge kóndirdi degen aıyp taǵylǵan edi. Ol osy áreket úshin qurylys boıynsha tenderde jeńisti qamtamasyz etýge ýáde bergen.
Aıta keteıik, Rashıd Aıýpov ótken jyly naýryzda Túrkistan oblysy Kentaý qalasynyń ákimi bolyp taǵaıyndaldy.
Al 2019 jyldyń shilde aıynan 2021 jylǵa deıin Túrkistan qalasynyń ákimi qyzmetin atqardy.
