NIS-te «Jańa jaǵdaıdaǵy bilim berý: pandemııa sabaqtary» talqylandy

6102
Adyrna.kz Telegram

Elimizdiń barlyq aımaǵynan myńnan astam pedagog qosylǵan NIS dóńgelek ústelinde «Jańa jaǵdaıdaǵy bilim berý: pandemııa sabaqtary» taldandy.

Bilim berýde jańa jaǵdaı oryn aldy ma jáne oǵan qandaı faktorlar yqpal etti? «Nazarbaev Zııatkerlik mektepteri» derbes bilim berý uıymynyń basqarma tóraıymy Kúlásh Shámshıdınova baıandamasyn qaǵıdatty suraqtarǵa jaýap berýden bastady.

Amerıkandyq fýtýrolog Elvın Toffler «21 ǵasyrda saýatsyz adamdar oqý men jazýdy bilmeıtinder emes, oqýdy, úırenýdi jáne qaıta oqýdy bilmeıtinder bolady» degen edi. Shynynda da, búginde jańa tehnologııalar bilim berý qajettilikterin ózgertýde, al bolashaq silkinister men belgisizdikterge qarsy turý arqyly qalyptasady. Bilim berý ıfrlyq transformaııadan ótedi, ol ıfrlyq bilim berý ınfraqurylymyn jáne ıfrlyq oqý-ádistemelik materıaldardy, ıfrlyq baǵalaýdy qosa alǵanda, quraldar men servısterdi damytýdy, sondaı-aq, oqý jumysyn uıymdastyrýda jańa modelderdi ázirleýdi jáne taratýdy kózdeıdi, –  dep atap ótti Kúlásh Noǵataıqyzy.

NIS-ke Anglııadan bilim berý salasyndaǵy eń bedeldi ǵalymdardyń biri, balalardyń baqyty men ıgiligi jónindegi sarapshy Endı Koýp qosyldy. Jáne ol birden revolıýııaǵa shaqyrdy:

– Biraq bul radıkaldy revolıýııa emes Men sizdi Parlamentke barýǵa jáne ózgeristi talap etýge shaqyrmaımyn. Men beıbit revolıýııaǵa shaqyramyn, ol – baqyt pen ıgilik tóńkerisi. Revolıýııa jasaý úshin men qazirgi bilim berý ózgerýdi qajet etetinin dáleldeýim kerek.

Osy oraıda taǵy bir qısyndy suraq týyndaıdy. «Nazarbaev Zııatkerlik mektepteri» derbes bilim berý uıymy basqarma tóraıymynyń orynbasary Svetlana Ispýsınovanyń baıandamasy muǵalimniń týrbýlenttik dáýirdegi mıssııasy atty ózekti máselege arnaldy:

– Professor Hargrıvstiń pikirinshe, pandemııa usynǵan mańyzdy sabaqtardyń biri – muǵalimderdiń ózgeristerge qanshalyqty tez beıimdelip, tájirıbesin qaıta qura alatyndyǵy. Biz dástúrli mektepter bizge árqashan qajet bolatynyna, al muǵalimniń róli kez-kelgen ózgeriske qaramastan aýyspaıtynyna kóz jetkizdik.

Svetlana Bagıtovnanyń pikirin Lıtvadan qosylǵan belgili ǵalym, Eýropalyq Qaıta qurý jáne Damý bankiniń sarapshysy Darıýs Radkıavıchıýs jeke tájirıbesimen qoldady:

– Qashyqtan oqytý kezinde oqýshy neni joǵaltady? Muǵalimniń sıqyrly bedeli: ákeniń aıtqany – talasty da daýly, al muǵalimniń sózi – bul shyndyq. Tikeleı qarym-qatynas pen baılanysty kózben almastyrýǵa bolmaıdy. Oqýshy taǵy ne joǵaltady? Eń bastysy – toptyq jumys barysyndaǵy jańany taný qýanyshy, bir-birin shabyttandyratyn energııa, birlesken saıahattar men merekeler. Muǵalim neni joǵaltady? Bul esprit – janyńyzdan qýanyshqa toly balalardy jáne olardyń jarqyraǵan kózderin kórgen kezdegi  jan men aqyldyń shynaıy rezonansy, dıdaktıkalyq shabyt.

Soltústik Qazaqstan oblysy Jambyl aýdany Qojabergen jyraý atyndaǵy orta mektep dırektory Baýyrjan Musabaev pen Aqtóbe oblysy Temir aýdany Shubarqudyq №1 mektep-gımnazııasynyń matematıka pániniń muǵalimi Nurgúl Abdýllaevanyń pandemııa sabaqtary men qashyqtan oqytýdy engizý týraly baıandamalary pedagogterdiń erekshe qyzyǵýshylyǵyn týdyrdy. Oral qalasyndaǵy D.Qonaev atyndaǵy mektep-gımnazııasynyń muǵalimi Aıjan Janatova lıtvalyq spıker sekildi, birinshi kezekte balalardyń oqýǵa degen yqylasyn joǵaltpaý, keri baılanys ornatý jáne oqýshylardy emoıonaldyq kúızelis pen senimsizdik jaǵdaıynda qalaı yntalandyrý kerektigi týraly jeke tájirıbesimen bólisti.

Dóńgelek ústeldiń kóptegen qatysýshylary kún tártibimen tanysyp, naqty spıkerlerge qosyldy. Bilim berý baǵdarlamalary ortalyǵynyń taldaý, zertteý jáne jobalardy basqarý bóliminiń meńgerýshisi Samat Kalmenov ıfrlandyrý men postkovıdtik oqytýdy tańqalarlyq ınnovaııa men jańa múmkindikter retinde taldady, sonymen qatar oqý baǵdarlamalaryn qaıta qarastyrý kezinde neni eskerý qajettigin oı eleginen ótkizdi. Pedagogıkalyq ólshemder ortalyǵynyń dırektory Aıdana Shılıbekovanyń baıandamasy búgingi kúnniń ózekti taqyryby – jańa jaǵdaıdaǵy baǵalaý men onyń bolashaǵyna arnaldy.

Kóptegen pedagogtar úshin balalarǵa dostyq shyraıly jáne qaýipsiz orta qurý jańa taqyryp boldy, álemdik bilim berýdegi basty trendterdiń birin oqýshylardyń ıgiligin qalyptastyrý departamentiniń dırektory Dınara Ýalkenova taldady.

Dóńgelek ústel kásibı oı talqyǵa qosylǵan Zııatkerlik jáne jalpy bilim beretin mektepterdiń myńdaǵan muǵalimderi úshin tabysty tájirıbe boldy. Muǵalimderdiń basym kópshiligi Zııatkerlik mekteptermen ártúrli seriktestik jobalar biriktiretin orta mektepterde jumys isteıdi. Bul Aqmola, Soltústik Qazaqstan jáne Shyǵys Qazaqstan oblystary boıynsha «Aýyl mektebi: powered by NIS», Ońtústik Qazaqstan oblysy Maqtaaral aýdany boıynsha «Biz birgemiz», «Global Teacher Prize 2021» ambassadory Dınara Beısembaevanyń jobasy boıynsha Qaraǵandy oblysy Nura aýdany Ahmet aýylynyń S.Seıfýllın atyndaǵy orta mektebi jáne ózge de kóptegen mektepter.

Barlyq pedagogter bilim berýdegi jańa jaǵdaı týraly kásibı refleksııanyń jáne árbir mektep úshin pandemııa formatyndaǵy basty úrdisterdi anyqtaýdyń ózektiligi men qajettiligin atap ótti.

Pandemııa sabaqtary jónindegi dóńgelek ústel – Ybyraı Altynsarınniń 180 jyldyǵyna arnalǵan NIS mereıtoılyq jobasy aıasyndaǵy álemdik bilim berýdegi strategııalyq trendter boıynsha dóńgelek ústelder serııasynyń alǵashqysy bolyp tabylady.

 

Pikirler