Qazaqstan men Ázirbaıjan prezıdentteri Qasym-Jomart Toqaev pen Ilham Álıev Shýsha qalasyna bardy, dep habarlaıdy "Adyrna" ulttyq portaly Aqordanyń baspasóz qyzmetine siltep.
«Eki el prezıdentteri Qarabaq taý jotasynyń baýraıynda ornalasqan qalanyń bas josparymen tanysty. Sodan keıin olar aımaqtyń kórnekti jerlerin, onyń ishinde ortalyq alańdy, «Saatly» meshitin, taý qyratyndaǵy «Djydyr dıýzıý» alańyn, «Bıýl-Bıýl» murajaı-úıin, jalpyulttyq kóshbasshy Geıdar Álıevtiń 100 jyldyǵyna oraı uıymdastyrylǵan fotokórmeni jáne taǵy da basqa tarıhı oryndardy aralap kórdi», - delingen habarlamada.
Ázirbaıjan basshysy atap ótkendeı, Shýsha ejelden Ázirbaıjan mádenıetiniń besigi sanalǵan. Qala óziniń órkendeý kezeńinde poezııanyń, ónerdiń jáne sáýlet óneriniń damyǵan orny boldy.
«Búginde munda ınfraqurylym salý jáne qalpyna keltirý jumystary qarqyndy júrip jatyr. Qazirdiń ózinde birneshe qonaq úı, mýzeı jáne meshitter boı kótergen. Turǵyn úıler, bilim berý mekemeleri, áleýmettik nysandar, shirkeýler salynyp, jóndelýde. Sonymen qatar túrli sala mamandarynyń qatysýymen nysandardy baǵalaý jáne túgendeý jumystary júrgizilip jatyr», - dep tolyqtyrdy Aqorda.
