Batys Qazaqtan oblysynyń ákimi Narıman Tóreǵalıev óńirge ınvestıııa tartý máselesi boıynsha jıyn ótkizdi.
Batys Qazaqstan oblysy kásipkerlik basqarmasynyń málimetine sáıkes, óńirge ınvestıııalar tartý aıasynda ótken jyly 45 joba iske qosylǵan. Osynyń aıasynda 1 myń jańa jumys orny ashylǵan. Jalpy alǵanda 2023 jyldyń qorytyndysy boıynsha negizgi kapıtalǵa salynǵan ınvestıııalar kólemi 16,4%-ǵa ósip 645,6 mlrd teńgeni quraǵan. Onyń basym bóligi Qarashyǵanaq ken orny arqyly tartylǵan ınvestıııalar.
Al, oblysqa qarasty qalalar men aýdandar, basqarmalar tarapynan ınvestıııa tartý baǵytyndaǵy jumys baıaý júrgizilýde. Máselen, aýdandardyń jartysynan kóbi jalpy quny 1 mlrd. teńgege jetpeıtin ınvest jobalar usynsa, onyń ishinde Bókeı ordasy, Qaratóbe, Kaztalov, Shyńǵyrlaý aýdandary usynǵan jobalardyń jalpy quny tómen deńgeıde (205 mln. teńgeden tómen).
Oblys ákimi Narıman Tóreǵalıev ınvestıııa tartý jumystarynyń mańyzdylyǵyn aıta kele, bul baǵyttaǵy jumystardy kúsheıtýdi tapsyrdy.
«Memleket basshysy Qasym-Jomart Kemeluly Toqaev elimizdiń myqty ónerkásiptik negizin qalyptastyrý jáne ár óńirde tıimdi ınvestıııalyq jobalardy iske asyrýdy tapsyrǵan bolatyn.
Sondyqtan, oblys ekonomıkasyn odan ári ártaraptandyrý, sonyń ishinde ınvestıııa tartý baǵytynda naqty isterdi qolǵa alýymyz qajet» - dedi Narıman Tóreǵalıev.
Oral qalasy oblys ortalyǵy bolǵanyna qaramastan 2023 jyldyń qorytyndysy boıynsha negizgi kapıtalǵa salynǵan jeke ınvestıııalar kólemi 6,8%-ǵa (83 mlrd.tg) tómendegen. Sondaı-aq, birqatar aýdandarda da kórsetkishter kóńilden shyqpaıdy.
Oblys basshysy ár aýdan ákiminiń, ár basqarma basshynyń jumysy tikeleı ınvestıııa tartýmen baılanysty bolýy kerek ekenin eskertti.
«Investıııa tartý boıynsha jumys júrgizbeseńder oryndaryńdy bosatasyńdar. Men kadrlyq sheshim qabyldaıtyn bolamyn. Naqty jobalar kerek. Nátıje kerek» - dep atap ótti aımaq basshysy.
