Jer sılkınısınen keiıngı Almaty halqyn mazaq etkenderge tūrǧyndar aşulandy, dep habarlaidy "Adyrna" tılşısı Stan.kz-ke sıltep.
Äleumettık jelıde Sanjar esımdı jıgıt jer sılkınısınde qorqyp, syrtqa qaşqandardy synaǧandarǧa jauap berdı.
“Būl beineündeude Almatynyŋ jergılıktı tūrǧyndaryna arnaimyn. Almatyda jer sılkınısı boldy. Zılzala turaly kez kelgen videonyŋ astyndaǧy pıkırdı oqysaŋyz “meiırımsız almatylyqtardyŋ” jazǧandaryn tabasyz. “Syrttan kelgender kettı-au”, “Jerımız keŋıp qaldy”, “Men jer üide tūramyn, köpqabatty üide tūratyndar, özderıŋ qinala berıŋder” dep jazǧandar da bar. Tüsınesıŋder me, būl adamgerşılıkke jatpaidy. Tıptı bıreuler “Bılmeimın, men üiımde jattym. Al päter jaldap tūratyndar, qorqyp dalaǧa qaşty” dep jazypty. Adamdar öz qauıpsızdıgın oilap jür”, – deidı aşynǧan ol.Al özın "almatylyqpyn" dep tanystyrǧan keibır oqyrman “Basqasyn bılmeimın, bıraq keptelıssız jürgen ūnap qaldy”, “Syrttan kelgender adamgerşılık tanytyp jatyr ma? Bız barynşa şydap baǧudamyz, bıraq şydamnyŋ da şegı bar”, “Jasyratyn nesı bar? Bärı ketıp edı jerımız keŋeidı. Kölıkter azaidy” dep türlı pıkır jazuda.
Ūqsas jaŋalyqtar
