Jelıde 2 million qazaqstandyqtyŋ jäne Zaimer.kz mikroqarjy ūiymy klientterınıŋ derekterı tarap kettı, dep habarlaidy "Adyrna" ūlttyq portaly Memlekettık tehnikalyq qyzmetke (MTQ) sıltep.
«Qolda bar aqparatqa säikes, Zaimer.kz mikroqarjy ūiymynyŋ infraqūrylymy hakerlık şabuyldyŋ nysanasyna ainalǧan. Ekı million qazaqstandyqtyŋ jeke derekterı Telegram-da jalpyǧa qoljetımdı topta taraǧan, onyŋ ışınde: aty-jönı, telefon nömırı, elektrondyq poştasy, jeke kuälık derekterı, tırkeu jäne tūrǧylyqty mekenjaiy, jūmys turaly aqparat, sondai-aq bank kartalary men bank şottary turaly mälımetterı bar», - delıngen habarlamada.
Mikroqarjy ūiymynyŋ (MQŪ) veb-saity jäne onyŋ IP mekenjailary Qazaqstanda ornalasqan. MTQ aqparattyŋ taralyp ketuın köptegen qarjy ūiymdarynyŋ derekterı jinaqtalǧan (Robo Finance) (robo.finance) infraqūrylymyna jasalǧan şabuyl saldarynan boldy dep sanaidy.
«Būǧan deiın sarapşylar osy MQŪ-ǧa qatysty bırqatar jalǧan veb-saittardy anyqtaǧan bolatyn. Būl saittardyŋ betterıne ötu kezınde paidalanuşyǧa joǧaryda atalǧan ūiymnan aqşalai nesie alu ūsynyldy. Jalǧan saittardyŋ ataulary: zaim5min.com, vozmykredit.ru, vozmycredit.com, stpmrnlnk.com, mani24.kz, zm24.kz, cashlux.kz, zaim365.kz», - dep habarlaidy mamandar.
Ūqsas jaŋalyqtar
