Ukraina prezidentı Vladimir Zelenskii Vaşingtonǧa özıne qajet qaru türlerınıŋ tızımın jasap jıbermekşı - oǧan Kiev AQŞ-tan qalaityn barlyq qaru-jaraq kıredı. Būl turaly aqparat közderıne sılteme jasap CNN jariialady, dep habarlaidy “Adyrna” ūlttyq portaly.
Basylymnyŋ habarlauynşa, Zelenskii AQŞ kongresınıŋ müşelerıne būl tızımdı memleketterge jıberu jospary turaly aitqan.
«Ökılder palatasynyŋ Syrtqy ıster komitetınıŋ töraǧasy Maikl Makkollmen jäne palatanyŋ taǧy tört müşesımen kezdesken Zelenskii topqa qaru-jaraq tızımın, sonyŋ ışınde F-16 joiǧyş ūşaqtaryn jıberudı josparlap otyrǧanyn aitty. Onyŋ pıkırınşe, būl jaǧdaidy tezdetu üşın qajet», dep jazady telearna.
Esterıŋızge sala keteiık, būǧan deiın amerikalyq köşbasşy Djo Baiden Ukrainaǧa F-16 ūşaǧyn jetkızuden bas tartqanyn aitqan bolatyn.
Ukrainaǧa joiǧyş ūşaqtardy beru mäselesı qaŋtar aiynyŋ soŋynan berı talqylanyp jatyr. 25 qaŋtarda Batys tankterın qabyldaudaǧy tabystan keiın Ukraina prezidentı Vladimir Zelenskii odaqtastardy Ukraina Qaruly Küşterıne jauyngerlık ūşaqtardy jetkızu qajettılıgıne belsendı türde sendıre bastady. 8 aqpanda Zelenskii Londonda Kievke joiǧyş ūşaqtardy beru turaly taǧy bır ötınış jasady.
