Eýropalyq naryqty joǵaltqannan keıin «Gazprom» Reseıdegi eń tabysty kompanııa bolýdy toqtatty jáne Forbes reıtınginiń alǵashqy 100-ine de kirmedi, dep habarlaıdy “Adyrna” ulttyq portaly.
2023 jyly «Gazpromnyń» shyǵyny shamamen 600 mıllıard rýbldi qurady. Bul rekordtyq kórsetkish boldy.
Forbes jýrnaly 26 qyrkúıek kúni taza paıda boıynsha Reseıdiń iri kompanııalarynyń jyldyq reıtıngin jarııalady. Burynǵy tizimdi «Gazprom» konerni bastap tursa, qazir ol júzdikke de kirmeıdi.
«Gazprom» byltyr 583 mıllıard rýbl shyǵynmen jabyldy», dep jazady Forbes.
Kompanııa tabysynyń tómendeýiniń basty sebebi - «Gazpromǵa» maksımaldy paıda ákelgen EO naryǵyn joǵaltý.
«Kommersant» habarlaýynsha, 2023 jyly Eýropaǵa qubyr arqyly gaz jetkizý bir jyl burynǵy 62 mıllıard tekshe metrmen salystyrǵanda 24 mıllıard tekshe metrge deıin azaıǵan. Ishki esep boıynsha, reseılik gaz alyby taıaý jyldary soǵysqa deıingi satý kólemin qalpyna keltire almaıdy.
Eń tabysty reseılik kompanııalar reıtınginiń jańa kóshbasshysy 2023 jyldyń sońynda 1,529 trıllıon rýbl taza paıda alǵan «Rosneft» boldy. Úzdik 100 reıtıng qatysýshylarynyń jalpy tabysy – 13,2 trıllıon rýblden asty.
