QazUÝ-dan shyqqan tizimnen keıin halyq arasynda dúrbeleń bastalǵan. Stýdent qyzdardyń anasy zańgerge shaǵymdanyp, muńyn shaqqan, dep habarlaıdy "Adyrna" tilshisi Massaget.kz-ke siltep.
"Human Rights Lawyers" basshysy, zańger Lázzat Raqyshevanyń aıtýynsha "pák qyzdar" tiziminen keıin oqyrmandary túrli hat joldaǵan.
"Almatydaǵy joǵary oqý oryndarynyń biri stýdent qyzdardyń páktigi teksergen tizim áleýmettik jelige jarııalanyp, el ishinde dý-dý áńgime. Eldiki ósek, talqylaý, al bireýler úshin tynysh ómirdiń astań-kesteńi shyǵyp jatyr", - dep jazdy zańger.
Raqyshevaǵa stýdent qyzdardyń biriniń anasy habarlasyp, muńyn aıtqan. Áıeldiń aıtýynsha qyzy 5 jasynda 25 jastaǵy pedofıl kórshiden qorlyq kórgen. Keıinnen kishkentaı qyzdy zorlaǵan azamat 9 jylǵa ǵana sottalǵan. Alaıda temir tordyń artynda tek 7 jyl ǵana otyryp, taǵy adam óltirip sottalypty.
Sumdyqty umytýy úshin anasy qyzyn mamanǵa da aparyp, týǵan aýylynan kóship basqa qalaǵa qonys aýdarǵan kórinedi. Dál sol oqıǵadan beri 15 jyl ótip, qyzynyń aty QazUÝ tiziminde jarııalanypty.
Ashynǵan ana Úkimettegilerdiń zorlanǵandardy qorǵamaıtynyn aıtyp, narazylyq bildirdi
"Bizdiń elde kimge senim bar osy? Ne organ, ne oqý orny qorǵaı almaıdy. Kimge senip, kimge arqa súıeýimiz kerek? Naǵyz teksergish bolsa, nege pedofılderdiń sanyn rettep, solar týraly aqparatty nege jarııalamaıdy? Qanshama adamnyń ómirin qor qylady ǵoı keshegi jaǵdaı. Úkimet zorlanǵandarǵa ne qoldaý, ne qorǵaýǵa joq, tym bolmasa jarty álemge jar salmasa bolmaı ma?" - dep jazǵan zorlanǵan qyzdyń anasy.
Zańger Lázzat Raqysheva da:
"Rasymen, bireýdiń jeke deregin jelige jarııalap, elge taratý - úlken qylmys. Konstıtýııada elimizdiń basty baılyǵy adam jáne quqyqtary dep naqty kórsetilgen. Osy basty baılyqty aıaqqa taptap, eldiń ómirine qatysty qundy málimetti qatyn ósek retinde taratqandar qatań jazaǵa tartylsyn. Talap etemiz!", - dep jazdy.
