QazŪU-dan şyqqan tızımnen keiın halyq arasynda dürbeleŋ bastalǧan. Student qyzdardyŋ anasy zaŋgerge şaǧymdanyp, mūŋyn şaqqan, dep habarlaidy "Adyrna" tılşısı Massaget.kz-ke sıltep.
"Human Rights Lawyers" basşysy, zaŋger Läzzat Raqyşevanyŋ aituynşa "päk qyzdar" tızımınen keiın oqyrmandary türlı hat joldaǧan.
"Almatydaǧy joǧary oqu oryndarynyŋ bırı student qyzdardyŋ päktıgı teksergen tızım äleumettık jelıge jariialanyp, el ışınde du-du äŋgıme. Eldıkı ösek, talqylau, al bıreuler üşın tynyş ömırdıŋ astaŋ-kesteŋı şyǧyp jatyr", - dep jazdy zaŋger.Raqyşevaǧa student qyzdardyŋ bırınıŋ anasy habarlasyp, mūŋyn aitqan. Äieldıŋ aituynşa qyzy 5 jasynda 25 jastaǧy pedofil körşıden qorlyq körgen. Keiınnen kışkentai qyzdy zorlaǧan azamat 9 jylǧa ǧana sottalǧan. Alaida temır tordyŋ artynda tek 7 jyl ǧana otyryp, taǧy adam öltırıp sottalypty. Sūmdyqty ūmytuy üşın anasy qyzyn mamanǧa da aparyp, tuǧan auylynan köşıp basqa qalaǧa qonys audarǧan körınedı. Däl sol oqiǧadan berı 15 jyl ötıp, qyzynyŋ aty QazŪU tızımınde jariialanypty. Aşynǧan ana Ükımettegılerdıŋ zorlanǧandardy qorǧamaitynyn aityp, narazylyq bıldırdı
"Bızdıŋ elde kımge senım bar osy? Ne organ, ne oqu orny qorǧai almaidy. Kımge senıp, kımge arqa süieuımız kerek? Naǧyz teksergış bolsa, nege pedofilderdıŋ sanyn rettep, solar turaly aqparatty nege jariialamaidy? Qanşama adamnyŋ ömırın qor qylady ǧoi keşegı jaǧdai. Ükımet zorlanǧandarǧa ne qoldau, ne qorǧauǧa joq, tym bolmasa jarty älemge jar salmasa bolmai ma?" - dep jazǧan zorlanǧan qyzdyŋ anasy.Zaŋger Läzzat Raqyşeva da:
"Rasymen, bıreudıŋ jeke deregın jelıge jariialap, elge taratu - ülken qylmys. Konstitusiiada elımızdıŋ basty bailyǧy adam jäne qūqyqtary dep naqty körsetılgen. Osy basty bailyqty aiaqqa taptap, eldıŋ ömırıne qatysty qūndy mälımettı qatyn ösek retınde taratqandar qataŋ jazaǧa tartylsyn. Talap etemız!", - dep jazdy.
Ūqsas jaŋalyqtar
