Memleket basşysy Qasym-Jomart Toqaev Qazaqstan ūlttyq qūramasyn VI Düniejüzılık köşpendıler oiyndarynda joǧary nätije körsetuımen qūttyqtady. Būl turaly Qazaqstan Respublikasy Prezidentınıŋ keŋesşısı – Baspasöz hatşysy Aibek Smadiiarov mälımdedı, dep habarlaidy "Adyrna".
Prezident sportşylardyŋ dübırlı dodadaǧy jetıstıgı tabandylyq, tynymsyz eŋbek jäne myqty erık-jıgerdıŋ nätijesı ekenın atap öttı.
"Qasym-Jomart Toqaev jarysta chempion atanǧan jäne jüldelı oryndarǧa ie bolǧan sportşylarǧa, bapkerler qūramyna, sondai-aq ūlttyq qūramanyŋ daiyndyǧyna üles qosqan barlyq mamandarǧa rizaşylyǧyn bıldırdı.
Memleket basşysynyŋ aituynşa, qazaqstandyq sportşylardyŋ halyqaralyq arenadaǧy mūndai jetıstıkterı elımızdıŋ ūlttyq sport türlerı damyǧan memleket retındegı bedelın arttyra tüsedı", delıngen jazbada.
Prezident sportşylarǧa aldaǧy jarystarda da biık belesterdı baǧyndyryp, Qazaqstannyŋ kök bairaǧyn halyqaralyq dodalarda joǧary kötere beruıne tılektestık bıldırdı.
