Qazaqstan Prezıdenti Qasym-Jomart Toqaev "Ońtústik" jáne "Shyǵys" óńirlik qolbasshylyqtarynyń qolbasshylaryn taǵaıyndady, dep Aqordanyń baspasóz qyzmeti málimdeme jasady. Bul týraly «Adyrna» ulttyq portaly habarlaıdy.
"Memleket basshysynyń ókimimen: "Qýanyshbek Óskenbaıuly Úshtaev "Ońtústik" óńirlik qolbasshylyǵy áskerleriniń qolbasshysy bolyp taǵaıyndaldy, ol "Shyǵys" óńirlik qolbasshylyǵy áskerleriniń qolbasshysy laýazymynan bosatyldy".
Jeńis Muhamedqalıuly Maralov "Shyǵys" óńirlik qolbasshylyǵy áskerleriniń qolbasshysy bolyp taǵaıyndaldy", - delingen seısenbidegi habarlamada.
Sonymen qatar memleket basshysynyń ókimimen Mereke Matımuly Kóshekbaev "Ońtústik"óńirlik qolbasshylyǵy áskerleriniń qolbasshysy qyzmetinen bosatyldy.
«Adyrna» ulttyq portaly