Kókjıegińizdi keńeıtip qana qoımaı, til úıretip shyǵatyn kitap

157

27 maýsym kúni QR Ulttyq kitaphanasynda jýrnalıst Shyńǵys Muqannyń «Kóshbasshylyq» jáne orys tilindegi «Lıderstvo» kitaptarynyń tusaýkeseri ótti. Tusaýkeserdi Janarbek Áshimjan júrgizdi. Odan keıin Ulttyq kitaphananyń dırektory Baqytjamal Ospanova sóz alyp, jańa kitaptyń shyǵýymen jáne aldaǵy jýrnalıster kúnimen quttyqtady. Sodan soń QR Prezıdentiniń keńesshisi Maqsat Ysqaqov, kitap redaktorlary Turysbek Sáýketaı men Rıza Isaeva, rejısserler Satybaldy Narymbetov pen Sergeı Ázimov, Almaty qalasynyń bas ımamy Erkinbek qajy sóz sóılep, kóshbasshylyq týraly ulttyq uǵymdardy tarqatyp, rýhanı áńgimeler aıtty.

Bul jınaqqa kóshbasshylyq týraly álemdik suranysqa ıe eń aıtýly ıdeıalar eken. Avtor Amerıkanyń Garvard ýnıversıtetinde oqyp júrgende nebir keremet kitaptardy oqyǵandyǵyn, sol ıdeıalardy qazaqshaǵa aýdaryp, qazaq oqyrmandaryna tartý etýdi maqsat etken.
«Mazmundama» jobasy aıasynda jaryqqa kórgen kitaptyń arqalaǵan júgi az emes. Mazmundama degenimiz – kitaptyń basty ıdeıalaryna qysqasha sholý. Ýaqyt synynan ótip, adamzat oıynyń altyn qazynasyna aınalǵan tańdaýly týyndylardyń qaımaǵy.
«Kóshbasshylyq» kitaby lıderlikten bastalyp, menedjment, tulǵalyq ósý, densaýlyq, bala tárbıesimen jalǵasady. Bul kitapty oqyǵan adam kókjıegin keńeıtip ǵana qoımaı, til úırenip shyǵady. Sebebi, kitapta myńnan asa aǵylshyn men orys sózderin kezdestiresiz. Demek, sózdik qoryńyz molaıady. Oqyrmandar ózderiniń kóptegen suraqtaryna jaýap tabady. Endeshe, «Mazmundama» boıynsha jaryq kórgen kitaptardy paraqtaýdan kesh qalmańyz!

Elenora ÁMIR

"Adyrna" ulttyq portaly

Pikirler