"Arys halqynyń tańda bastalǵan narazylyq sherýi áli de jalǵasýda. Halyq qatty qaljyraǵan, sharshaǵan, kún qatty ystyq. Jınalǵan jurtshylyqtyń ishinde balalar da bar. Dese de "Aqmeshit" janynan bastalǵan sherý kóshe-kósheni boılap, arbatqa da kelip jetipti. Arystyqtar talap-tilegin oryndatý úshin Shymkenttiń ortalyq kóshelerin tolyǵymen japty. Halyq : "Arystan áskerı qalashyq jasalynsyn, biz ol jaqqa barmaımyz" dep urandap júr. Ýaqyt ótken saıyn narazy halyqtyń sany artyp keledi. Al oblys ákimi men qala ákimi "Úılerińdi jóndep beremiz. Unamasa satyp basqa jaqqa kóshińder" degennen asa almady. Kóshedegi halyq narazylyq sherýge shyqqandardy jol-jónekeı sýmen qamtyp jatyr" dep habarlaıdy Arysqa attanǵan "Adyrna" ulttyq portalynyń tilshisi Ońǵar Qabden.
"Adyrna" ulttyq portaly
