"ارىس حالقىنىڭ تاڭدا باستالعان نارازىلىق شەرۋى ءالى دە جالعاسۋدا. حالىق قاتتى قالجىراعان، شارشاعان، كۇن قاتتى ىستىق. جينالعان جۇرتشىلىقتىڭ ىشىندە بالالار دا بار. دەسە دە "اقمەشىت" جانىنان باستالعان شەرۋ كوشە-كوشەنى بويلاپ، ارباتقا دا كەلىپ جەتىپتى. ارىستىقتار تالاپ-تىلەگىن ورىنداتۋ ءۇشىن شىمكەنتتىڭ ورتالىق كوشەلەرىن تولىعىمەن جاپتى. حالىق : "ارىستان اسكەري قالاشىق جاسالىنسىن، ءبىز ول جاققا بارمايمىز" دەپ ۇرانداپ ءجۇر. ۋاقىت وتكەن سايىن نارازى حالىقتىڭ سانى ارتىپ كەلەدى. ال وبلىس اكىمى مەن قالا اكىمى "ۇيلەرىڭدى جوندەپ بەرەمىز. ۇناماسا ساتىپ باسقا جاققا كوشىڭدەر" دەگەننەن اسا المادى. كوشەدەگى حالىق نارازىلىق شەرۋگە شىققانداردى جول-جونەكەي سۋمەن قامتىپ جاتىر" دەپ حابارلايدى ارىسقا اتتانعان "ادىرنا" ۇلتتىق پورتالىنىڭ ءتىلشىسى وڭعار قابدەن.
"ادىرنا" ۇلتتىق پورتالى
