Äliia Nazarbaeva men Konstitusiialyq keŋestıŋ būrynǧy töraǧasy İgor Rogovtyŋ äielı Valentina Rogova reiderlık şabuyl jasady dep aiyptaluda, dep habarlaidy “Adyrna” ūlttyq portaly.
«2003 jyly Äliia Nazarbaeva öz şenın paidalana otyryp, qūny 170 million dollardy qūraityn (2003 jylǧy esep boiynşa) jetı mūnai bazasy men 96 janarmai qūiu beketınen tūratyn operasiialyq käsıporyndy basyp aldy. Reid üşın ol būrynǧy ielerın türmege qamap, dene jaraqatyn salamyn dep qorqytqan. Onyŋ qoqan-loqqylary senımdırek boluy üşın, ol kündız Almatynyŋ ortalyǧyndaǧy käsıp ielerınıŋ bırınıŋ äkesın aşyq türde ūrlap ketken jäne kuägerlerdıŋ aituynşa, ūrlauǧa qūqyq qorǧau organdarynyŋ qyzmetkerlerınıŋ qatysy boluy mümkın. Qylmystyŋ sybailasy Valentina Rogova boldy, ol Qazaqstan Respublikasy Konstitusiialyq Keŋesınıŋ Töraǧasy, Prezidenttıŋ kömekşısı bolǧan İgor İvanovich Rogovtyŋ äielı», - delıngen särsenbı künı Ūlttyq baspasöz klubynda ötetın baspasöz mäslihaty turaly habarlandyru mätınınde.
Aita keteiık, būl eks-prezident Nazarbaevtyŋ ainalasyndaǧy adamdarǧa, onyŋ ışınde onyŋ jaqyn tuystaryna qatysty reiderlık şabuyl jasady degen aiyp taǧyluy bırınşı ret emes.
Ūqsas jaŋalyqtar
