"Util alymy alynsyn" degen bır top qazaqstandyq arnaiy Astanaǧa keldı, dep habarlaidy "Adyrna" tılşısı QazTag-qa sıltep.
Bas kötergender Qazaqstannyŋ türle öŋırınen jinalǧan eken.
"Bügın bız – WhatsApp jäne äleumettık jelılerdegı är türlı toptardyŋ äkımşılerı Astanaǧa Önerkäsıp jäne qūrylys ministrlıgımen söilesıp, alǧaşqy salyqtyq tırkeudı, kädege jaratu alymyn joiu boiynşa öz ūsynystarymyz ben talaptarymyzdy aitu üşın keldık. Sebebı būl kädege jaratu jinaǧy qazaqstandyq avtoparkke tiımısz", - dedı zaŋger ärı kölıkke qyzyǧuşylardyŋ bırı Erkebūlan Qūlbasov.Astanadaǧy Önerkäsıp jäne qūrylys ministrlıgı ǧimaratynyŋ janynda jinalǧan bastamaşyl top util alym avtoönerkäsıp salasyn damyta almaǧanyn aitady.
"Bız qazır kädege jaratu jinaǧyn alyp tastaudy, älemnıŋ jetekşı elderımen teŋestırudı nemese müldem alyp tastaudy talap etemız. Sebebı būl bızdıŋ qazaqstandyq ekonomikamyzdaǧy AİTV auruy siiaqty. Būl tek avtokölık jürgızuşılerıne ǧana qatysty emes, auyl şaruaşylyq jürgızuşılerı, jük kölıkterı, logistikany qamtamasyz etetın önımder de bar",-dep esepteidı Qūlbasov.Jinalǧandar olardyŋ tek qana utilsbordyŋ küşın joiudy talap etetın myŋdaǧan qazaqstandyqtardyŋ atynan söileitın ökıl-äkımşıler ekenın atap öttı. Qazaqstan boiynşa util alymǧa qarsy 300-ge juyq top bar ekenı de anyqtaldy. Prezident Qasym-Jomart Toqaev "ÖKM Operatory" JŞS-nı kädege jaratu alymyn jüzege asyruǧa monopoliialyq qūqyǧynan aiyrudy tapsyrǧan bolatyn. Ol mūny şet elderdegıdei memlekettık ūiym jasauy kerek ekenın atap öttı.
Ūqsas jaŋalyqtar
