Respýblıka halqynan keńinen qoldaý tapqan qozǵalys ıadrolyq jarylystarǵa qarsylyq bildirip, álemdegi ıadrolyq qaýipti joıýdy maqsat etti, Semeı ıadrolyq polıgonynda ıadrolyq synaqtardy toqtatýǵa qol jetkizdi.
Antııadrolyq qozǵalystyń kúsh-jigeri arqasynda 1989 jyly josparlanǵan 18 ıadrolyq synaq sany 7-ge deıin azaıtyldy. Eń sońǵy ıadrolyq synaq osy jyldyń 19 qazanynda jasaldy.
Antııadrolyq qozǵalysqa qatysýshy Qaraǵandynyń 130 myń shahteri eger ıadrolyq synaq toqtamaǵan jaǵdaıda merzimi shekteýsiz ereýilge shyǵatyndaryn málimdegen bolatyn.
Olardy Semeı, Pavlodar, Óskemen, Jezqazǵan jumysshylary jáne sondaı-aq Joǵarǵy Keńes qoldady.
Halyqtyń bastamasymen tuńǵysh ret KSRO Úkimeti ıadrolyq qarýdy synaýǵa tyıym salý – moratorıı jasaý týraly sheshim shyǵardy. Qazaqstan Respýblıkasynyń egemendigi týraly Deklaraııada el aýmaǵy ıadrosyz aımaq dep jarııalandy. Keıin sol kezdegi Qazaqstan Prezıdenti N.Á. Nazarbaevtyń Semeı polıgonyn jabý týraly Jarlyǵy – 1991 jyldyń 29 tamyzy kúni shyqty. Sóıtip tııanaqtylyq pen tabandylyq tanytqan qazaq halqy óz maqsatyna jetti.
