AQŞ äkımşılıgınıŋ joǧary lauazymdy ökılı AQŞ pen İran arasyndaǧy özara tüsınıstık turaly memorandumnyŋ jobasyn ūsyndy, dep habarlaidy "Adyrna" ūlttyq portaly.
Qūjat 14 negızgı tarmaqtan tūrady. Onda taraptar arasyndaǧy äskeri, saiasi jäne ekonomikalyq mäseleler qamtylǧan.
Jobaǧa säikes, AQŞ, İran jäne olardyŋ qazırgı qaqtyǧystaǧy odaqtastary barlyq äskeri ıs-qimyldardy, Livan aumaǧyndaǧy operasiialardy dereu toqtatuǧa jäne bır-bırıne qarsy küş qoldanudan bas tartuǧa mındettenedı. Sondai-aq taraptar özara egemendık pen aumaqtyq tūtastyqty qūrmettep, ışkı ısterge aralaspauǧa kelıspek.
Qūjatta 60 kün ışınde tüpkılıktı kelısım äzırleu, AQŞ-tyŋ İranǧa qatysty äskeri-teŋız blokadasyn kezeŋ-kezeŋımen alyp tastauy jäne öŋırdegı küşterın qysqartu közdelgen. Öz kezegınde İran Parsy şyǧanaǧy men Oman teŋızındegı kommersiialyq keme qatynasynyŋ qauıpsızdıgın qamtamasyz etuge mındetteme alady.
Memorandum jobasynda AQŞ-tyŋ aimaqtyq serıktesterımen bırlesıp İrandy qalpyna keltıru men ekonomikalyq damytuǧa baǧyttalǧan kemınde 300 milliard dollarlyq jospar äzırleu nietı de körsetılgen. Būdan bölek, İranǧa qarsy engızılgen halyqaralyq jäne amerikalyq sanksiialardy alyp tastau mäselesı qarastyrylǧan.
Iаdrolyq baǧdarlamaǧa qatysty bölımde İran iadrolyq qaru jasamaitynyn jäne ielenbeitının rastaidy. Al taraptar baiytylǧan iadrolyq materialdardy baqylau men saqtau tetıkterın kelıssözder barysynda aiqyndauǧa uaǧdalasqan.
Sondai-aq qūjatta İrannyŋ mūzdatylǧan qarjylyq aktivterıne qol jetkızu, mūnai eksportyna qoiylǧan şekteulerdı jeŋıldetu, kelısımnıŋ oryndaluyn baqylaityn arnaiy tetık qūru jäne tüpkılıktı qūjatty Bırıkken Ūlttar Ūiymy Qauıpsızdık Keŋesınıŋ qararymen bekıtu mäselelerı qamtylǧan.
