Qoǵam belsendileri Prezıdentten 14 naýryzǵa “Músheldik jyl basy” mártebesin berýdi surady

1385
Adyrna.kz Telegram

«Elsana Amanat» qoǵamdyq qory, memleket jáne qoǵam, óner men ádebıet qaıratkerleri, ǵalymdar, qoǵam belsendileri Qazaqstan Prezıdenti Qasym-Jomart Toqaevqa úndeý joldady.

Olar Naýryz meıramyna baılanysty birneshe usynys tastady.

«Memlekettik mereke sanatyndaǵy Naýryz meıramy Halyqaralyq IýNESKO uıymynda jalpyadamzattyq materıaldyq emes qundylyq retinde tirkelgeni málim. Alaıda, bul merekeniń atap ótilýi oıdaǵydaı emes. Ony ózińiz «Egemen Qazaqstan» gazetiniń 2024 jylǵy 3 qańtarda jarııalanǵan «Biz ozyq oıly ult retinde tek qana alǵa qaraýymyz kerek!» atty  suhbatyńyzda «Naýryz – jańarý men jańǵyrýdyń sımvoly. Sondyqtan tól merekemizdiń mazmunyn baıytyp, ony barynsha erekshelep, jańasha atap ótýimiz kerek» dep jańasha uıymdastyrýǵa shaqyrdyńyz», dep jazylǵan úndeýde.

Osyǵan oraı, Naýryz meıramynyń joǵary deńgeıde sheshilýge tıisti túıtkildi tusyna qatysty mynadaı birneshe usynys joldady:

- 14 naýryz ǵylymı negizsiz túrde búginde «Amal merekesi», «Kórisý kúni» atalyp júr; bul kún shyn máninde jalpytúrkilik tanym boıynsha  jańa jyldyń basy bolyp tabylady; sondyqtan osy kúnge arnaıy Músheldik jyl basy degen mártebe berilýin suraımyz;

- 23 naýryzdaǵy Merekege qatysy joq qısynsyz demalys kúnin 14 naýryzǵa aýystyrýdy usynamyz;

- merekeniń máni men mazmunyn asha túsetinin eskere otyryp, mektep oqýshylarynyń kóktemgi kanıkýlyn Naýryzdyń 14-22 aralyǵyna oraılastyrýdy da ótinemiz.

 

 

Pikirler