Almatyda bolǧan rezonansty jol-kölık oqiǧasyna bailanysty tergeu küşeitıldı, dep habarlaidy "Adyrna" ūlttyq portaly.
Qazaqstan Respublikasy ışkı ıster ministrlıgı mälımetınşe, tergeudı küşeitu turaly tapsyrma Memleket basşysy Qasym-Jomart Toqaev tarapynan 30 nauryz künı Qauıpsızdık keŋesınıŋ otyrysynda berılgen.
Işkı ıster ministrı Erjan Sadenov oqiǧa boiynşa jan-jaqty ärı obektivtı tergeu jürgızılıp jatqanyn mälımdedı. Apat faktısı boiynşa qylmystyq ıs qozǧalyp, ZEEKR kölıgınıŋ jürgızuşısı sot şeşımımen qamauǧa alynǧan. Anyqtalǧandai, ol jol apaty kezınde mas küide bolǧan.
Sonymen qatar, būrynǧy polisiia qyzmetkerınıŋ äreketsızdıgı jäne memlekettık nömırlık belgılerdı zaŋsyz beru faktılerı boiynşa da qylmystyq ıster qozǧaldy. Būl ısterdı IIM-nıŋ ışkı qauıpsızdık departamentı tekserıp jatyr. Qazırgı uaqytta qoǧamdyq keŋıstıkte taralǧan barlyq aqparat mūqiiat qaraluda.
Oqiǧanyŋ män-jaiyn tolyq ärı ädıl anyqtau üşın Almatyǧa arnaiy IIM komissiiasy jıberıldı. Onyŋ qūramyna Işkı qauıpsızdık departamentı, Äkımşılık polisiia komitetı jäne kadrlarmen jūmys departamentınıŋ ökılderı kırgen.
Vedomstvo qaladaǧy qoǧamdyq tärtıptı baqylaudy da küşeitkenın atap öttı.
