Prezident Qasym-Jomart Toqaev Türkı memleketterı ūiymynyŋ beiresmi sammitınde bırneşe mäselege toqtaldy, dep habarlaidy "Adyrna" ūlttyq portaly.
Prezident sammittıŋ qasiettı Türkıstan qalasynda ötuınıŋ tarihi mänıne nazar audaryp, şahardy türkı jūrtynyŋ ruhani ortalyǧy retınde sipattady. Sondai-aq Qoja Ahmet Iаsaui mūrasynyŋ türkı halyqtarynyŋ dünietanymyndaǧy maŋyzyn atap öttı.
Memleket basşysy biyl «Qoja Ahmet Yasaui» ordenı taǧaiyndalǧanyn eske salyp, alǧaşqy marapattyŋ Rejep Taiyp Erdoǧanǧa tabystalǧanyn aitty. Onyŋ sözınşe, būl qadam türkı halyqtarynyŋ ruhani bailanysyn nyǧaituǧa baǧyttalǧan.
Sammit barysynda Toqaev türkı elderınıŋ tehnologiialyq yntymaqtastyǧyn küşeitu qajettıgın aitty. Prezident Qazaqstanda «Sifrlandyru jäne jasandy intellekt jyly» jariialanǧanyn, Astana qalasynda Alem.ai jasandy intellekt ortalyǧy aşylǧanyn jäne ekı superkompiuter ıske qosylǧanyn mälımdedı. Sonymen qatar «Digital Qazaqstan» strategiiasy äzırlenıp jatqanyn jetkızdı.
Prezident Türkı memleketterı ūiymy aiasynda sifrlyq innovasiialar ortalyǧyn, kiberqauıpsızdık keŋesın jäne türkı elderınıŋ jasandy intellekt ortalyqtarynyŋ jelısın qūrudy ūsyndy. Būdan bölek, ortaq IT-hab aşyp, oǧan «Turkic ai» atauyn beru bastamasyn köterdı.
Memleket basşysy mädeni-gumanitarlyq baǧyttaǧy ūsynystarǧa da toqtaldy. Onyŋ aituynşa, Türkı örkenietınıŋ mūrasyn saqtau jönındegı konvensiia qabyldau, sondai-aq türkı halyqtarynyŋ tarihy men mädenietın qamtityn köptıldı sifrlyq platforma äzırleu maŋyzdy.
Toqaev Türkıstan qalasynda Türkı örkenietı ortalyǧyn qūru turaly şeşım qabyldanǧanyn aitty. Prezidenttıŋ sözınşe, ortalyq ǧylymi zertteuler jürgızıp, mädeni jäne bılım beru jobalaryn jüzege asyrady.
Sondai-aq memleket basşysy Türkı memleketterı ūiymyn äskeri alians retınde sipattaityn pıkırlerge jauap berdı.
«Türkı memleketterı ūiymy – geosaiasi joba emes, äskeri ūiym da emes. Būl – bauyrlas elderdıŋ sauda-ekonomikalyq, joǧary tehnologiialyq, sifrlyq jäne mädeni-gumanitarlyq yntymaqtastyǧyn nyǧaitatyn bıregei alaŋ», – dedı Toqaev.
