Qazaqstan men AQŞ arasyndaǧy ekonomikalyq ärıptestık jaŋa deŋgeige köterıluı mümkın. Amerikalyq Cove Capital jäne qazaqstandyq «Tau-Ken Samūryq» kompaniialary elımızde ırı volfram ken ornyn igeru turaly kelısımge qol qoidy, dep habarlaidy "Adyrna" portaly Reuters-ke sılteme jasap.
Kelısım aiasynda Cove Capital bırlesken käsıporynnyŋ 70 paiyz ülesın ielenıp, metalldyŋ satyluyn baqylaidy. Al «Tau-Ken Samūryq» kompaniiasyna 30 paiyz üles tiesılı bolady. Şyǧys Qazaqstan oblysyndaǧy Soltüstık Katpar men Joǧarǧy Qairaqty ken oryndaryn igeru jobasynyŋ jalpy qūny şamamen 1,1 milliard AQŞ dollaryn qūraidy. Būl somanyŋ 900 million dollaryn qarjylandyruǧa AQŞ-tyŋ Eksport-import bankı qyzyǧuşylyq tanytqan.
Volfram – strategiialyq maŋyzy bar metall. Ol bolatty şynyqtyruda, sondai-aq qorǧanys önerkäsıbınde keŋınen qoldanylady. AQŞ-ta būl metaldyŋ öndırısı 2015 jyldan berı toqtap tūr, al älemdık naryqta basty öndıruşı ärı jetkızuşı el – Qytai bolyp sanalady.
Cove Capital kompaniiasynyŋ basşysy Pini Althaus būl jobany «AQŞ üşın strategiialyq maŋyzdy jeŋıs» dep atady. Onyŋ aituynşa, kelıssözderge Donald Tramp pen AQŞ-tyŋ sauda ministrı Govard Latnik te tıkelei qatysqan. Olar ken ornyn qytailyq kompaniialardyŋ baqylauyna ötpeuın qadaǧalaǧan.
Kompaniia ökılderınıŋ mälımetınşe, jobany salu jūmystary ekı jyldan keiın, al öndıru prosesı üş jarym jyldan soŋ bastalady. Sonymen qatar, rudany Qazaqstanda öŋdeu josparlanyp otyr. Amerikalyq tarap būl jobadan alynatyn volframnyŋ basym bölıgı AQŞ ükımetı men amerikalyq kompaniialardyŋ qajettılıkterın öteuge baǧyttalatynyn atap öttı.
Būǧan deiın Bloomberg agenttıgı AQŞ ükımetınıŋ Qytaiǧa täueldılıktı azaitu maqsatynda Qazaqstandy strategiialyq serıktes retınde qarastyryp otyrǧanyn jazǧan bolatyn. Cove Kaz Capital kompaniiasy metaldy el ışınde öndıru men qaita öŋdeudı közdeidı, al AQŞ jaǧy tek qarjylai qoldau körsetedı.
Aita keteiık, AQŞ memlekettık hatşysy Marko Rubio 2026 jyly Qazaqstan men basqa da Ortalyq Aziia elderıne resmi saparmen keludı josparlap otyr. Ol Vaşingtonnyŋ öŋırdegı mineraldyq resurstardy öndıru jäne öŋdeu baǧytyndaǧy yntymaqtastyqty keŋeituge niettı ekenın mälımdedı.
