Avtogaz baǵasyn qaıta qaraý qajettiligi týraly Energy Monitor qoǵamdyq qorynyń dırektory, sarapshy Nurlan Jumaǵulov pikir bildirdi, dep habarlaıdy “Adyrna” ulttyq portaly.
Esterińizde bolsa, ótken jyldyń qarasha aıynda suıytylǵan gaz baǵasynyń qymbattaıtyny aıtylǵan edi. Bul týraly Energetıka vıe-mınıstri Álibek Jamaýov málimdegen bolatyn.
Osy máselege qatysty Energy Monitor qoǵamdyq qorynyń dırektory, sarapshy Nurlan Jumaǵulovtyń pikirin bildik.
“Jalpy, Qazaqstanda suıytylǵan gaz baǵasy qazirgi tańda álem boıynsha Aljırdan keıin eń tómengi baǵa bolyp esepteledi jáne sońǵy eki jylda baǵasy qatty ósken joq. Tek 5 teńgege ǵana aıyrmashylyq bar. Búginde suıytylǵan munaı gazyn óndiretin 11 kompanııa bar. Olar shıkizatty naryqqa óz baǵasynan tómen baǵamen ótkizedi. Jalpy, osy 11 kompanııa jylyna 2,9–3mln tonna suıytylǵan munaı gazyn óndiredi. Al eń úlken Teńizshevroıl kompanııasy munaıdy ishki naryqtaǵy baǵamen satpaıdy, Teńizshevroıldaǵy baǵa basqa kompanııalarǵa qaraǵanda 2 esege joǵary. Aıta keterligi, bizdiń munaı óńdeý zaýyttarynda munaı kólemi shekteýli. Biz 3 mln tonnadan joǵary suıytylǵan munaı gazyn (propan/býtan) shyǵara almaımyz”, - dedi ol.
Onyń aıtýynsha, gaz baǵasynyń qymbattaýy ádil sheshim bolmaq.
“Elimizdegi avtokólik júrgizýshileri jyl saıyn (keminde 15 paıyz) avtogazǵa degen suranysty kóterip otyr. Óıtkeni propan baǵasy 55-70 tg bolyp tur, al byltyr benzınniń baǵasy 11 paıyzǵa ósken bolatyn. Mysaly, AI-92, AI-93 baǵalarynyń qazirgi baǵasy 205 tg. Endi salystyratyn bolsaq, suıytylǵan gaz baǵasy 3 esege arzan bolyp tur. Biraq gazdyń quny árqashan osy bekitilgen baǵamen turmaıdy ǵoı. Baǵanyń ózgerýine ártúrli jaǵdaı áser etedi. Mysaly, shıkizattyń óz baǵasy, jyl saıynǵy jóndeý jumystary men jumysshylardyń aılyq tabys kózi bar. Sol úshin osy máselege ádil kózqaraspen qaraǵan jón. Avtokólik ıeleri tek óz qaltalaryn oılamaı, óndiristi shyǵarýshy zaýyttardyń da jaǵdaıyna qaraý qajet, osy sebepterge baılanysty birqalypty baǵany kóterý kerek.
Sondyqtan, jyl saıynǵy baǵa ózgerisi ol qalypty jaǵdaı dep esepteımin. Bul - ádil sheshim. Óıtkeni baǵa tómen bolsa, eshqandaı ınvestor bul salaǵa ınvestıııa jasamaıdy”, - dep tolyqtyrdy Jumaǵulov.
Sondaı-aq sarapshy baǵa óspegen jaǵdaıda elde defııt bolyp, ımporttalǵan taýarǵa táýeldi bolýymyz múmkin ekenin jetkizdi.
“Energetıka mınıstrligi baǵany jylyna eki ret ózgertýge quqyly. Biraq, baıqaǵanymyzdaı, jeltoqsan aıynda baǵany kóterý kerek bolatyn, biraq baǵa ózgergen joq. Degenmen naýryz aıynda qaıtadan baǵanyń ózgerý múmkindigi bar. Meniń jeke oıym, jyl saıyn shıkizat baǵasyn 10-15 paıyzǵa kóterip otyrǵan durys. Sebebi munaı óndirýshi zvýyttarǵa arnaıy boljamdar kerek, ár kompanııa óz ekonomıkasyna qaraı esep júıesin qurýy qajet.
Degenmen bul turǵyda halyqpen de sanasý kerek dep oılaımyn. Sebebi propan, býtan gazymen júretin kólikter sany 15 paıyzǵa ósip otyr. Bul jaǵdaıdyń saldarynan bolashaqta defııt bolýy múmkin. Defııt bolǵan jaǵdaıda baǵa ósedi, sáıkesinshe Reseıden ımporttalǵan taýarǵa táýeldi nemese Teńizshevroıl kompanııasynyń qymbat gazyn satyp alýǵa májbúr bolamyz”, - dep Jumaǵulov oıyn qorytyndylady.
“Adyrna” ulttyq portaly
