Reseıdiń tótenshe jaǵdaılar mınıstrliginiń habarlaýynsha, Tver oblysynda 10 adamy bar ushaq apatqa ushyraǵan. Álgi ushaqtyń ishinde "Vagner" jaldamaly áskerı jasaǵynyń negizin qalaýshy Evgenıı Prıgojınniń de bolǵany rastaldy.
Tótenshe jaǵdaılar mınıstrliginiń aıtýynsha, bıznes-djet Máskeýden Peterbýrgke qaraı ushyp bara jatyp, jol boıy Kýjenkıno eldi mekeninde qulaıdy.
Tver oblysynyń baspasóz qyzmetiniń habarlaýynsha, bul ushaq apaty boıynsha jaǵdaıdy aımaq gýbernatory Igor Rýdnıa tikeleı óz baqylaýyna alǵan.
Reseılik telegram arnalar apatqa ushyraǵan ushaqtyń markasy Embrear Legacy 600 ekenin jazdy. Shynynda da Evgenıı Prıgojınde jekemenshik Embrear Legacy 600 ushaǵy bar.
Kóp uzamaı osy ushaqta Prıgojınniń de qaıtys bolǵany habarlandy. Alaıda resmı oryndardan ony naqty rastaǵan, nemese birjolata joqqa shyǵarǵan málimet túspedi. Keıbir málimetke qaraǵanda, buǵan deıin "Vagner" basshysynan aýmaıtyn bedel-Prıgojınderdiń de bolǵany aıtylady.
