Qaraǧandyda jedel järdem jürgızuşısın soqqyǧa jyqqan er adamǧa ızdeu jariialandy. Barlyq sauda üilerınde, plakattar men baǧanalarda, auladaǧy dükender men därıhanalarda poliseiler küdıktı Nūrbolat Däkebaevty ızdestıru turaly habarlamalar ıldı.
Qūqyqtyq statistika jäne arnaiy esepke alu portalynda Işkı ıster ministrlıgı 1987 jyly tuǧan Nūrbolat Däkebaevty ızdeuge jariialady. Izdestıru jūmystaryn Qaraǧandy qalasynyŋ Jaŋa-Maiqūdyq polisiia bölımı jürgızıp jatyr.
Qaraǧandy qalasynyŋ Jaŋa-Maiqūdyq polisiia bölımınıŋ qyzmetkerlerı Nūrbolat Däkebaevtyŋ jürgen jerı turaly mälımet bıletınderden 102 nemese 8 (7212) 40 79 19 telefondaryna habarlasularyn sūraidy.
Esterıŋızge sala keteiık, jedel järdem jürgızuşısı 27 qaŋtarǧa qaraǧan tünı soqqyǧa jyǧyldy. Poliseiler küdıktını anyqtap, ony ūstau şaralary jürgızılıp jatqanyn habarlady. Qaraǧandyda soqqyǧa jyǧylǧan jedel järdem kölıgınıŋ jürgızuşısı miy şaiqalyp, synyqtarymen auruhanaǧa tüsken bolatyn.Ūqsas jaŋalyqtar
