Almatydaǵy qaıyrymdylyq mekemesinde mekeme qyzmetkeri 15 jastaǵy jasóspirimge qol kóterip, soqqyǵa jyqqan. Soqqynyń saldarynan balanyń mıyna zaqym kelgen, dep habarlaıdy “Adyrna” ulttyq portaly Almaty.tv telearnasyna silteme jasap.
Kýágerlerdiń sózinshe, bala ǵımarattan qashyp shyǵyp, qar ústinde jalań aıaq qasha jónelgen.
“Aldymnan bir jasóspirim shyǵa keldi. Jalań aıaq jylap tur. Qoryqqannan kóliktiń artyna tyǵylyp qaldy. Ne bolǵanyn suradym. Ol maǵan soqqyǵa jyǵylǵanyn aıtty, – deıdi oqıǵa kýágeri Abzal Shákenov.
Kýágerler balaǵa jedel kómek berip, mán-jaıdy polıeıge habarlaǵan. Qazir jasóspirim aýrýhanada.
Balalar shuǵyl járdem ortalyǵy naýqastardy qoldaý jáne ishki saraptama qyzmetiniń basshysy Kurmetbek Toqtar balanyń medresede ustaz urǵanyn, saldarynan bas mıynyń shaıqalýy, kóz aınalasynyń gematomasy dıagnozy qoıylǵanyn aıtady.
Jetkenshektiń óz sózinshe, oqıǵa aldynda ol ózin jaısyz sezine bastaǵanyn jetkizgen. Alaıda mekeme qyzmetkeri balanyń sózin “duǵa” oqymaý úshin aıtyp turǵan “syltaýy” dep qabyldap, senbegen.
“Men oqymaımyn, ketemin” dese, ustazy “bar kete ber. Qaıda ketesiń?” degen. Ol júgirip bara jatqan kezde, ustap qalyp, betinen urǵan. Balanyń psıhıkasyna da áser etip tur. Bala sharshady. Shynyn aıtqanda, beti-aýzynyń bári isip tur, – dep balanyǵ anasy shaǵymyn bildirdi.
Qazirde polıeıler mán-jaıdy anyqtaýǵa kiristi.
Aıta ketken jón, atalmysh qaıyrymdylyq mekemesinen buǵan deıin tyıym salynǵan dinı ádebıetter tabylǵan bolatyn. Ózge óńirlerde de bar bul pansıonattardyń jalpy sany 90-nan asady. Quzyrly organdardyń málimetinshe, bul mekemelerdiń barlyǵy bir qaıyrymdylyq qoryna qaraıdy.
“Adyrna” ulttyq portaly
