Qazaqstanda óz mindetterin oryndamaıtyn myńdaǵan ata-ana esepke qoıyldy. Olardyń ishinde júzdegen adam ata-ana quqyǵynan aıyrylýy múmkin. Bul týraly Ákimshilik polıııa komıtetiniń erekshe tapsyrmalar jónindegi aǵa ınspektory Aqmaral Serikbaeva aıtty, dep habarlaıdy “Adyrna” ulttyq portaly.
Aqmaral Serikbaevanyń aıtýynsha, óz balalaryn tárbıeleý boıynsha mindetterdi oryndamaıtyn 8 myń ata-ana esepke alyndy. Sonyń ishinde 1 057 ata-ana ákimshilik jaýapkershilikke tartyldy. Barlyǵyna 36 920 teńgeniń aıyppuly salyndy. Al 201 fakti boıynsha kámeletke tolmaǵandardyń isteri jónindegi komıssııaǵa ata-ana quqyǵynan aıyrýǵa materıaldar jiberildi.
"Mysaly, Petropavlda jas ana emhanaǵa shaqyrylǵan ýaqytta balasyn alyp kelmeı júrgeni týraly pedıatrdan habarlama kelip tústi. Tekserý kezinde jas ananyń ishimdik ishkeni, náresteniń shuǵyl kómekke muqtaj ekeni belgili boldy. Polıııa balany náresteler úıine ornalastyryp, al anasyn narkolog dárigerdiń esebine qoıdy jáne ákimshilik jaýapkershilikke tartty", - dedi Serikbaeva brıfıngte.
Sondaı-aq, ol sot sheshimimen alkogolızmmen aýyratyn 206 adam narkologııalyq uıymdarǵa májbúrlep emdeýge jatqyzylǵanyn málimdedi. Al qorǵaý nusqamasyn buzǵany úshin 557 agressor jáne minez-qulyqqa qoıylǵan erekshe talaptardy oryndamaǵany úshin 531 quqyq buzýshy qamaýǵa alyndy.
