Memleket basshysynyń jarlyǵymen Uly Otan soǵysynyń eki ardagerine «Halyq qaharmany» ataǵy berildi, - dep habarlaıdy "Adyrna" tilshisi Aqordaǵa silteme jasap.
Elbasynyń Jarlyǵymen Qaımoldın Ábdiǵalıǵa 1941-1945 jyldardaǵy Uly Otan soǵysynda kórsetken qaharmandyǵy, erligi men janqııarlyǵy, soǵystan keıingi memlekettik jáne qoǵamdyq jumystarǵa belsene qatysqany úshin «Halyq qaharmany» ataǵy berildi.
1941-1945 jyldardaǵy Uly Otan soǵysynda kórsetken erligi men janqııarlyǵy úshin «Halyq qaharmany» ataǵy erekshe qurmet belgisi – buryn Altyn Juldyz jáne «Otan» ordenderimen marapattalǵan – Gapıchý Ivan Stepanovıchke de berildi.
Ábdiǵalı Qaımoldın 1921 jyly 30 maýsymda Semeı oblysy, Abraly aýdany, Uzynbulaq aýylynda dúnıege kelgen. 1941 jyly maýsymda ásker qataryna shaqyryldy. 1941 jyldan 1945 jyldyń 9 mamyryna deıin Stalıngrad, 1-Ýkraına, 1-Belorýs, 3-Prıbaltıka maıdandary quramynda shaıqasty.
Ivan Gapıch 1923 jyly 2 aqpanda Aqmola qalasynda dúnıege kelgen. Polshany, Chehoslovakııany, Ýkraınany azat etýge qatysty. Búkil soǵysty basynan ótkerip, fashıstik garnızondar men komendatýralardy talqandaǵan, oq-dáriler men azyq-túlik qoımalaryn talqandaǵan otrıadtyń áskerı qımyldaryna qatysty. 1945 jyly 24 maýsymda Qyzyl alańdaǵy Jeńis sherýiniń qatysýshysy boldy.
"Adyrna" ulttyq portaly
