«Taza Qazaqstan» ekologiialyq aksiiasynyŋ «Önegelı ūrpaq» aptalyǧy şeŋberınde Ūly otan soǧysynyŋ ardagerı Erejepbai Mütälıptıŋ üiınıŋ kıreberıs jerındegı qabyrǧalardy syrlau, aulasyna abattandyru jūmystary jürgızıldı. Atalǧan igı şaraǧa «Tūrǧyn üi jöndeu Taraz» jauapkerşılıgı şekteulı serıktestıgınıŋ qyzmetkerlerı, qalanyŋ belsendı jastary, volonterlar belsene at salysty.
Şara soŋynda Ūly otan soǧysynyŋ ardagerı jastarǧa batasyn berıp, alǧysyn jetkızdı.
– «Taza Qazaqstan» aksiiasynyŋ «Önegelı ūrpaq» aptalyǧy şeŋberınde qalamyzdyŋ jastary öz erıkterımen kelıp tazalyq jūmystaryn jürgızude. Jalpy, mūndai bastamany jastarymyzdyŋ qolǧa alyp, üilestırıp otyrǧandaryna şyn jürekten quanyştymyn. Osy oraida, qalamyzdyŋ tūrǧyndaryn «Taza Qazaqstan» respublikalyq aksiiasyna belsene qatysyp, şahar körkeiuıne üles qosuǧa şaqyramyn. Osy arqyly ärbırımız qala tazalyǧyn saqtap ǧana qoimai, öskeleŋ ūrpaqty otansüigıştık pen ūlttyq tärbiege baulidy, – dedı qart maidanger aǧynan jarylyp.
Jalpy, bügınde oblys boiynşa 8 ŪOS ardagerı bar. Aksiia aiasynda barlyq ardagerdıŋ üilerınde abattandyru jūmystary jürgızıldı.
