Bügın Qazaqstannyŋ Mädeniet jäne aqparat ministrlıgı LGBT qazaqstandyq saityn būǧattaǧany belgılı boldy. Būl turaly KazFace.kz jariialady, dep habarlaidy “Adyrna” ūlttyq portaly.
LGBT saity būǧattalǧanǧa deiın basty betınde mynadai mazmūndaǧy jazbalar bolady: "Selftanu.kz būl - LGBTK+ jasöspırımder men özın-özı tüsıngısı keletınderge arnalǧan joba..."
Atalǧan saittaǧy maqalalar mazmūny Qazaqstandyqtardyŋ narazylyǧyn tudyrdy. Dästürlı emes jynystyq baǧdardy nasihattauǧa arnalǧan LGBT+ jasöspırımder saity elımızde alǧaş tırkelgen künı köpşılık «qarsymyz» degen petisiia bastady.
KazFace.kz redaksiiasy atalǧan saitty būǧattaudyŋ sebebı turaly tüsınıkteme alu üşın aqparat ministrlıgıne jügındı.
"İnternet-resurstaǧy monitoring barysynda "selftanu.kz" Balalardyŋ densaulyǧy men damuyna ziian keltıretın aqparatty taratuǧa bailanysty zaŋnamanyŋ būzyluy anyqtalǧan.
Balalardyŋ qūqyqtaryn qorǧau jönındegı uäkılettı organnyŋ şeşımı boiynşa Qazaqstanda balalar men jasöspırımder arasynda LGBT qozǧalysynyŋ ideialaryn aşyq internet-resurstarynda taratu qauıptı. Ol memlekettık mädeni qūndylyqtar men tarihi jäne däsüırlı qaǧidalarymyzǧa qaişy. Balalardyŋ psiho-jas erekşelıkterın eskerıp, aqparattyq qauıpsızdık şaralaryn ornatu negızınde būǧattalǧan.
Qazaqstan Respublikasynyŋ "Balalardy densaulyǧy men damuyna ziian keltıretın aqparattan qorǧau turaly" zaŋda jynystyq-erotikalyq sipattaǧy materialdarǧa tyiym salynǧany körsetılgen.
Sondai-aq, "Bala qūqyqtary turaly" zaŋda pornografiiany taratatyn, balalarǧa ziiandy äser etetın jäne qūqyq būzuşylyqtar jasauǧa yqpal etetın būqaralyq aqparat qūraldaryn paidalanu da zaŋmen qudalanady jäne olardy taratuǧa tyiym salynady delıngen.
Atalǧan sebepter boiynşa ministrlık "selftanu.kz" internet-resursyna şekteu şaralaryn qabyldady.
Sondai-aq Ministrlık ökılı atalǧan sait zaŋ talaptaryn oryndap, eskertu oryndalǧan jaǧdaida internetke qosylu qaita qalpyna keltırıletının atap öttı.
