Bolaşaqta qazaqstandyqtar memlekettık qyzmetterdı ChatGPT formatynda bailanys jasau arqyly ala alady. Būl turaly Digital Almaty 2024 sifrlyq forumynda sifrlyq damu, innovasiialar jäne aeroǧaryş önerkäsıbı ministrı Baǧdat Musin aitty, dep habarlaidy “Adyrna” ūlttyq portaly.
"BŪŪ reitingı boiynşa Qazaqstan qazırdıŋ özınde onlain qyzmet körsetu boiynşa älemde 8-şı orynda, al jalpy elektrondy ükımettı damytu boiynşa 28-orynda tūr", - dep atap öttı ol.
Onyŋ aituynşa, bügıngı taŋda memlekettık qyzmetterdıŋ 93 paiyzǧa juyǧy elektrondy türde körsetıledı, 50 million anyqtama müldem alynyp tastaldy.
"Öitkenı bız aqparattyq jüielerdı integrasiialap, memlekettık qūrylymdar men ūiymdarǧa anyqtama talap etuge tyiym saldyq", - dedı Baǧdat Musin.
Ol biyl e-Gov önımderıne jasandy intellekt engızuge nazar audaryla bastaǧanyn atap öttı.
Baǧdat Musin qazaqstandyqtar jaqyn arada memlekettık qyzmetterdı ChatGPT formatyndaǧy bailanys arqyly alady dep esepteidı.
"Qazırgı äzırleme qazaq tılıne audarylady, bız qazaq tıldı LLM qūru boiynşa jūmys ıstep jatyrmyz", - dedı ol.
Nazarbaev Universitetımen bırlese otyryp, qazaqstandyq äzırleme bazasynda GPT chatynyŋ balamasyn jasau jūmysy bastalǧan.
"Būl basqa önımdı paidalanu nemese qaita paidalanu emes, Qazaqstan jasandy intellektke özınıŋ sifrlyq önımımen enudı maqsat tūtyp otyr", - dep tüiındedı Baǧdat Musin.
Aita keteiık, Almatyda Digital Almaty 2024 sifrlyq forumy ötıp jatyr. Forumda 200-den astam spiker söz söileidı. Üş künge sozylatyn sifrlyq ıs-şaraǧa 30 myŋnan astam adam keledı dep josparlanyp otyr
