Armenııa astanasy Erevanda sambodan eresekter arasynda ótip jatqan álem chempıonatynyń alǵashqy kúni Qazaqstan qorjynyna eki medal tústi, dep habarlaıdy «Adyrna» ulttyq portaly.
Sportty damytý dırekııasynyń málimetinshe, qazaqstandyq Margarıta Bajaeva 50 kelige deıingi salmaqta fınalǵa deıin súrinbeı jetti. M.Bajaeva sheshýshi beldesýde ózbekstandyq Gýlsevar Ýrakovaǵa ese jiberdi.
Margarıta byltyr da álem birinshiligine qatysyp, 5-oryn alǵan bolatyn.
Sondaı-aq Gúldana Álmuhambetova 54 kelige deıingi salmaqta qola júlde úshin básekede ótken jylǵy álem chempıony, Belarýs ókili Alena Kýpavany utyp, úzdik úshtikke ilikti. Osylaısha, alǵashqy kúndi Qazaqstan quramasy 1 kúmis, 1 qola medalmen qorytyndylady.
Aıtalyq, sambodan álem birinshiligine 62 memleketten 335 sportshy qatysyp jatyr. Atalmysh týrnır Reseı men Ýkraına elderi bir mezette bastary qosylǵan sanaýly jarystyń qataryna kirdi. Degenmen, saıysta qos eldiń ókilderi qol alyspaıdy.
Sonymen birge aıtýly dodaǵa Ázerbaıjan men Túrkııa qatysýdan bas tartty.
Chempıonat 12 qarashada aıaqtalady.
«Adyrna» ulttyq portaly
