Aitys aqyndary odaǧynyŋ töraǧasy, aqyn, jurnalist, qazırgı aitys önerınıŋ ūiymdastyruşysy, Qazaqstan Respublikasynyŋ eŋbek sıŋırgen qairatkerı Jürsın Erman 73 jasqa toldy, dep habarlaidy “Adyrna” ūlttyq portaly.
Aqyn 1951 jyly būrynǧy Jezqazǧan oblysy Jezdı audanynyŋ Baiqoŋyr auylynda düniege kelgen bolatyn.
1976 jyly Qazaq Memlekettık universitetın tämamdaǧan ol är jyldary aimaqtyq, respublikalyq aqparat qūraldarynda qyzmet ettı.
100-den astam maqala men «Janartau» (1983), «Araily kün, Armysyŋ» (1985), «Ūlytauǧa bardyŋ ba?» (1989), «Qūdıretke jügınu» (2004), «Ekı tızgın, bır şylbyr» (2006), «Qūstyŋ köleŋkesı» syndy eŋbekterdıŋ avtory.
1984 jyldan aqyndardy ülken sahnaǧa şyǧaryp, halyq önerı, ūlttyq ruhty köteruge üles qosty. Aqyndar aitysyn jinaqtap jariialau, zertteu jūmystaryn jürgızıp, «Qazırgı aitystar» (2005, Astana, 2 tom) jinaǧyn qūrastyrdy.
Jürsın Ermannyŋ Bırneşe beine, audiokasseta, diskılerı jaryqqa şyqqan. Qazaqstan Jazuşylar odaǧynyŋ Mūqaǧali Maqataev atyndaǧy syilyqtyŋ ekı märte iegerı. Halyqaralyq Qazaq tılı qoǧamynyŋ müşesı.
