Prezident Qasym-Jomart Toqaev jiyn qatysuşylaryna ıltipat bıldırıp, būl dialog alaŋy Astana halyqaralyq forumynyŋ aiasynda qūrylǧanyn, eŋ özektı jahandyq jäne öŋırlık mäseleler jönınde pıkır almasuǧa arnalǧanyn mälımdedı, dep habarlaidy “Adyrna” tılşısı Aqordaǧa sıltep.
“Özderıŋızge mälım, bügınde adamzat aimaqtyq qaqtyǧystar, ekonomikalyq tūraqsyzdyq, klimattyŋ özgeruı, azyq-tülık jäne köşı-qon qauıpsızdıgı sekıldı būryn-soŋdy bolmaǧan syn-qaterlermen betpe-bet kelıp otyr. Atalǧan jahandyq problemalar bärımızdı tolǧandyrady jäne oǧan tötep beretın şaralardy bırlese ızdegenımız jön. Bızdıŋ keleşegımız qanşalyqty küş-jıger bırıktırıp, ortaq kelısımge kele alatynymyzǧa tıkelei bailanysty. Sondyqtan Qazaqstannyŋ būl maŋyzdy üderıske atsalysuyn zor märtebe sanaimyz”, – dedı Qasym-Jomart Toqaev.
Prezidenttıŋ sözınşe, köpjaqty halyqaralyq instituttardyŋ bedelı älsıregen saiyn, orta derjavalardyŋ rölı arta tüsedı dep sanaidy.
“Irı derjavalar baqtalastyqqa boi aldyryp, bır mämılege kele almai jatqan kezde, dau-damaidy retteuge orta derjavalar jiı däneker bolady. Osylaişa olar jahandyq yntymaqtastyqtyŋ ırgesı şaiqalmauyna yqpal etedı”, – dedı Prezident.
Qasym-Jomart Toqaev forum qatysuşylaryna elımızdıŋ ösıp-örkendeuı jäne qoǧamnyŋ demokratiialyq talpynystaryn jüzege asyru üşın Qazaqstanda jürgızılıp jatqan auqymdy saiasi reformalar jönınde aitty. Onyŋ pıkırınşe, AES qūrylysy boiynşa taiauda ötken jalpyhalyqtyq referendum elımızdıŋ demokratiialyq qūndylyqtarǧa beiıl ekenın körsettı.
Ūqsas jaŋalyqtar
