Elorda tūrǧyndary tüngı uaqytta qala köşelerınde äskeri tehnikanyŋ köptep jürgenın baiqap, äleumettık jelılerde foto jäne beinematerialdar jariialaǧan, dep habarlaidy "Adyrna".
Memlekettık küzet qyzmetınıŋ mälımetınşe, äskeri tehnikanyŋ qala köşelerınde köbeiuı 5-6 qazanda Astanada ötetın halyqaralyq saiasi ıs-şaralarǧa daiyndyqqa bailanysty.
Is-şaralar kezınde qoǧamdyq tärtıp pen qauıpsızdıktı qamtamasyz etu üşın arnaiy memlekettık jäne qūqyq qorǧau organdary, sondai-aq Qazaqstan Qaruly küşterınıŋ bölımşelerı jūmyldyrylady.
Osyǧan bailanysty elordanyŋ bırqatar köşesınde kölık qozǧalysyna uaqytşa şekteuler engızıledı. Qalada qauıpsızdık şaralary da küşeitıledı.
Memlekettık küzet qyzmetı Astana tūrǧyndary men qonaqtaryn engızıletın uaqytşa şekteulerge tüsınıstıkpen qarauǧa şaqyrdy.
