70 jasyna qaraǧan şaǧynda belgılı teatr rejisserı, dramaturg, qoǧam qairatkerı Bolat Atabaev ömırden öttı dep habarlaidy "Adyrna" ūlttyq portaly.
Būl turaly Facebook-te qūqyq qorǧauşy Baqyt Töreǧojina mälımdedı. Jäne būl aqparatty Mädeniet jäne sport ministrlıgı rastady. Bolat Atabaev 28 şılde künı auruhanada köz jūmǧan.
Bolat Manaşūly Atabaev 1952 jyly Taldyqorǧan oblysyndaǧy Tentek auylynda tuǧan. Nemıs drama teatrynyŋ jäne Äuezov atyndaǧy qazaq drama teatrynyŋ bas rejisserı qyzmetın atqardy. "Aqsarai" teatrynyŋ jetekşısı boldy. Ol özınıŋ alǧaşqy rejisserlık öner jolyn Qaraǧandy oblysynyŋ Temırtau qalasyndaǧy Nemıs drama teatrynda spektakl qoiumen bastady.
1990 jyly Qazaq memlekettık akademiialyq drama teatryna auysyp, B.Rimovanyŋ «Qos mūnlyq», M.Maqataevtyŋ «Qoş, mahabbat», İ.Orazbaevtyŋ «Şyŋǧys han», R.Mūqanovanyŋ «Mäŋgılık bala beine», Ä.Kekılbaevtyŋ «Abylai han», R.Mūqanovanyŋ «Qaraly sūlu», t.b. spektaklderdı qoidy.
Ol — Qazaqstannyŋ eŋbek sıŋırgen öner qairatkerı. Germaniia men Qazaqstan qarym-qatynasynyŋ damuyna qosqan ülesı üşın Gete medalımen marapattalǧan.
Rejisserdıŋ otbasyna, tuǧan-tuystaryna «Adyrna» ūlttyq portalynyŋ atynan köŋıl aitamyz.
"Adyrna" ūlttyq portaly.
