Pavlodar oblysynyń Baıanaýyl aýdany Maıqaıyń kentinde qutqarýshylar aýdarylǵan avtobýstyń dóńgeligin tapty. Bul týraly jýrnalıst Ońǵar Qabden jarııalady, dep habarlaıdy “Adyrna” ulttyq portaly.
Búgin apattyń bolǵanyna - 25 kún. Qutaqarýshylar avtobýsta bolǵan 2 adamdy áli izdestirýde.
Oblystyq TJD málimetinshe, «Maıqaıyńaltyn» AQ aýmaǵyndaǵy shuńqyrda gıdravlıkalyq balǵasy bar ekskavator jumys istep jatyr.
«Sol arqyly úlken tastar usaqtalýda. Osylaısha, shaǵyn ekskavator joldy tazartyp jatyr. Keshe ekskavatorlar shamamen 45 tekshe metr topyraqty qaıta shyǵarýmen aınalysty. Gıdravlıkalyq balǵa arqyly ekskavator úlken tasty 60% usaqtady. Qutqarýshylar arnaıy quraldardyń kómegimen joldy tazartyp jatyr. Taý jynysynyń qaıta qulaý qaýpi saqtalady», - dep jazylǵan habarlamada.
Eske salsaq, 4 qańtarda saǵat 01:25 shamasynda «Maıqaıyńaltyn» AQ aýmaǵyndaǵy shuńqyrǵa 4 jolaýshysy bar avtobýs qulap ketken edi. Opyrylǵan jerdiń uzyndyǵy – 150-200 metr, eni – 500 metr, tereńdigi – 150 metr.
2 qutqarýshynyń denesi tabyldy. Qutqarýshylar qalǵan 2 adamdy áli izdep jatyr.
