Almatyda avtobus jaiau jürgınşıler jolaǧymen ötıp bara jatqan adamdardy qaǧyp kettı. Ekı adamnyŋ bırı oqiǧa ornynda mert boldy. Būl turaly Almaty qalalyq Polisiia departamentı rastady, dep habarlaidy “Adyrna” ūlttyq portaly.
Oqiǧanyŋ videosy äleumettık jelıde paida boldy.
Aqparat boiynşa, jol apaty 9 qyrküiek künı taŋǧy saǧat 09:05 şamasynda bolǧan.
Jolauşylar avtobusynyŋ jürgızuşısı Abai daŋǧylymen batys baǧytta, Sain köşesınen batysqa qarai kele jatyp, jaiau jürgınşıler jolynan ötıp bara jatqan ekı adamdy qaǧyp kettı. Saldarynan 1958 jyly tuǧan er adam oqiǧa ornynda köz jūmdy. Ekınşı jaiau jürgınşı 66 jastaǧy äiel qaladaǧy emdeu mekemelerınıŋ bırıne jetkızıldı. Atalǧan oqiǧa QR QK 345-babynyŋ 3-bölımımen sotqa deiıngı tergeu ısı reestrınde tırkelıp, saraptamalar taǧaiyndaldy, - dep habarlady vedomstvo.
