پاۆلودار وبلىسىنىڭ باياناۋىل اۋدانى مايقايىڭ كەنتىندە قۇتقارۋشىلار اۋدارىلعان اۆتوبۋستىڭ دوڭگەلىگىن تاپتى. بۇل تۋرالى جۋرناليست وڭعار قابدەن جاريالادى، دەپ حابارلايدى “ادىرنا” ۇلتتىق پورتالى.
بۇگىن اپاتتىڭ بولعانىنا - 25 كۇن. قۇتاقارۋشىلار اۆتوبۋستا بولعان 2 ادامدى ءالى ىزدەستىرۋدە.
وبلىستىق تجد مالىمەتىنشە، «مايقايىڭالتىن» اق اۋماعىنداعى شۇڭقىردا گيدراۆليكالىق بالعاسى بار ەكسكاۆاتور جۇمىس ىستەپ جاتىر.
«سول ارقىلى ۇلكەن تاستار ۇساقتالۋدا. وسىلايشا، شاعىن ەكسكاۆاتور جولدى تازارتىپ جاتىر. كەشە ەكسكاۆاتورلار شامامەن 45 تەكشە مەتر توپىراقتى قايتا شىعارۋمەن اينالىستى. گيدراۆليكالىق بالعا ارقىلى ەكسكاۆاتور ۇلكەن تاستى 60% ۇساقتادى. قۇتقارۋشىلار ارنايى قۇرالداردىڭ كومەگىمەن جولدى تازارتىپ جاتىر. تاۋ جىنىسىنىڭ قايتا قۇلاۋ قاۋپى ساقتالادى»، - دەپ جازىلعان حابارلامادا.
ەسكە سالساق، 4 قاڭتاردا ساعات 01:25 شاماسىندا «مايقايىڭالتىن» اق اۋماعىنداعى شۇڭقىرعا 4 جولاۋشىسى بار اۆتوبۋس قۇلاپ كەتكەن ەدى. وپىرىلعان جەردىڭ ۇزىندىعى – 150-200 مەتر، ەنى – 500 مەتر، تەرەڭدىگى – 150 مەتر.
2 قۇتقارۋشىنىڭ دەنەسى تابىلدى. قۇتقارۋشىلار قالعان 2 ادامدى ءالى ىزدەپ جاتىر.
