«Navalnyı» fılmi úzdik derekti fılm retinde brıtandyq BAFTA syılyǵyn jeńip aldy, dep habarlaıdy “Adyrna” ulttyq portaly.
19 aqpan kúni Brıtandyq kıno jáne televıdenıe óneri akademııasy marapattaryn tabys etti. Saltanatty shara brıtandyq televıdenıe arqyly, sondaı-aq ınternet qosymshasy arqyly búkil álemge tikeleı kórsetildi.
Denıel Roerdiń «Navalnyı» fılmi saıasatkerdiń ýlanýy jáne áleýetti oryndaýshylarǵa jalǵan atpen shaqyrýlar týraly eń úzdik derekti fılm dep tanyldy.
Kanadalyq rejısser Denıel Roerdiń fılmi 2020 jyldyń tamyzynda reseılik oppozııonerdiń ýlanýy, onyń emdelýi, komadan shyǵýy jáne saıasatkerdiń óziniń ýlanýynyń mán-jaıyn zertteýi týraly baıandaıdy. Fılm Navalnyıdyń Reseıge oralýymen aıaqtalady. Ol sol jerde ustalyp, Iv Roshe isi boıynsha sottalyp, kolonııaǵa jiberiledi.
Aıta keteıik, fılmniń tusaýkeseri 2022 jyldyń qańtarynda Sundance kınofestıvalinde ótti, onda fılm kórermen syılyǵyn jeńip alǵan bolatyn. 2022 jyldyń jeltoqsanynda fılm American Cinema Eye Honors baıqaýynda eki marapatqa ıe boldy. Ol sondaı-aq 12 naýryzda tapsyrylatyn Kınematografııa óneri jáne ǵylym akademııasynyń («Oskar») júldeleriniń qysqa tizimine endi.
